💜 ဟန်ဆောင်အမုန်း 💜
💜 ဒုတိယတွဲ 💜
💜 အခန်း(၉) 💜
"အင်း အခြေအနေဘယ်လိုလဲ ---"
"ဆရာကြီးရဲ့သားမက်က သုရှင်မင်းတို့မိသားစုနဲ့ တွေ့ပြီးသွားပြီ ဆရာကြီး ---"
"ငါ့သားမက်လို့မပြောစမ်းပါနဲ့ကွာ နားခါးလွန်းလို့ ---"
ဦးမင်းဦး ကားပေါ်ကနေ မြေမထိမိုးမခစံအိမ်ကို လှမ်းကြည့်ကာ ပြောလိုက်လေသည်။
"ဟုတ်ကဲ့ ဆရာကြီး ဝသုန်မြေက သုရှင်မင်းတို့နဲ့ပြန်ပြီး အဆင်ပြေသွားပါပြီ --- အဲ့ဒါ ကျွန်တော် ဘာဆက်လုပ်ရမလဲ ---"
"ဒါဆို သူအခု သုရှင်မင်းတို့နဲ့အတူတူနေနေတာလား ---"
"မဟုတ်ဘူးဆရာကြီး သူ ဘယ်မှာနေတယ်ဆိုတာကိုတော့ စုံစမ်းလို့မရသေးဘူး --- ဒါပေမယ့် သုရှင်မင်းတို့နဲ့အတူတူနေတာတော့ မဟုတ်ပါဘူး ---"
"ဟုတ်လား ---"
ဦးမင်းဦး အိမ်ကြီးကိုအကဲခတ်နေလေသည်။ အိမ်ကြီးက သူတို့နေခဲ့တုန်းကအတိုင်း ဘာမှမပြောင်းလဲခဲ့ပေမယ့် အပြင်ပိုင်းကိုတော့ အနည်းငယ် ပြန်လည်ပြုပြင်ထားသည့်ပုံပင်။ တောက်ပြောင်နေ၏။ လူရိပ်လူယောင်ကိုလည်း မတွေ့ရသေး။ မရှိကြတာလား။ အပြင်သွားကြတာလား။
"ဆရာကြီး ---"
"အေး ဘာလဲပြော --"
"ကျွန်တော်ကြားထားတဲ့သတင်းအရတော့ ဝသုန်မြေက ဟိုဘက်နိုင်ငံမှာ ပြဿ နာရှာခဲ့တယ်ထင်တယ် --- သူ့ကို မကျေနပ်တဲ့သူတွေရှိနေတယ်တဲ့ ---"
"ဟင် ဟုတ်လား မင်းက ဘယ်လိုသိတာလဲ ---"
"အဲ့ဒီ့နိုင်ငံဘက်မှာ ကျွန်တော့်လူတွေရှိတယ် ဆရာကြီး --- သူတို့က ကျွန်တော် ဝသုန်မြေ့အကြောင်း စုံစမ်းရင်းကနေ ဓာတ်ပုံကိုမြင်ပြီး ပြောပြကြတာပါ ---"
"လူမျိုးခြားတွေလား ---"
"ဟုတ်ပါတယ် ဆရာကြီး -- သူ ဘယ်လိုပြဿ နာရှာခဲ့လဲတော့မသိဘူး အဲ့ဒီလူတွေက မကျေနပ်ကြလို့ သူ့နောက်ကိုလိုက်လာမယ်လို့လည်း ပြောကြတယ် ---"
"ဟင် ဟုတ်လား ---"
ဦးမင်းဦး အ့ံသြသွားသလို စိတ်လည်း ဝင်စားသွားမိသည်။ ဝသုန်မြေက ဘယ်လိုပြဿ နာတွေများရှာခဲ့လို့ လူမျိုးခြားတွေက လက်စားချေချင်တာလဲ။
"အဲ့ဒါကြောင့် ကျွန်တော်စဉ်းစားမိတာ တစ်ခုရှိတယ်ဆရာကြီး --- ဆရာကြီး သဘောကျပါ့မလားတော့မသိဘူး ---"
"ဘာစဉ်းစားထားတာလဲပြောကြည့် ---"
"အဲ့ဒီ့လူတွေနဲ့ ကျွန်တော်တို့ပူးပေါင်းပြီး ဝသုန်မြေကို ဆရာကြီးရဲ့မကျေနပ်ချက်တွေအတွက် လက်စားချေမယ်ဆိုရင်ရော ---"
"ဟင် ဘယ်လို ---"
ဦးမင်းဦး မျက်လုံးပြူးသွားလေသည်။ ဉာဏ်ကောင်းတဲ့တပည့် ထွန်းအောင်ကိုလည်း စိတ်ထဲကနေ ချီးကျူးလိုက်မိ၏။
"အေး မင်းအကြံကမဆိုးပါဘူး --- ဒါပေမယ့် ငါတို့က အင်္ဂလိပ်စကားကို ကျွမ်းကျွမ်းကျင်ကျင်မပြောတတ်ဘူးလေကွာ ---"
"အဲ့ဒီ့အတွက် မပူပါနဲ့ဆရာကြီး --- သူတို့က မြန်မာစကားကို ကျွမ်းကျွမ်းကျင်ကျင်ပြောတတ်တယ်လို့ ကျွန်တော်ကြားထားပါတယ် ---"
"ဟုတ်လား ---"
"ဟုတ်ပါတယ် အဲ့ဒါကြောင့် ဆရာကြီးအနေနဲ့ ကျွန်တော့်အကြံကို လက်ခံမယ်ဆိုရင် သူတို့ရောက်လာခဲ့ရင် ဆရာကြီးနဲ့ တွေ့ပေးဖို့ စီစဉ်ပေးပါ့မယ် ---"
"အင်း ကောင်းပြီလေ --- ဘာပဲဖြစ်ဖြစ် အခုလိုမျိုး လက်စားချေချင်တဲ့လူတွေရှိသေးတယ််ဆိုတော့ ပူးပေါင်းပြီး လက်စားချေတာ ပိုကောင်းတာပေါ့ --- သူတို့ရောက်လာခဲ့ရင် ငါ့ကိုပြောထွန်းအောင် ငါ တွေ့မယ် ---"
"ဟုတ်ကဲ့ပါ ဆရာကြီး ---"
"ဒါနဲ့ သူတို့က ဘယ်တော့လာကြမှာတဲ့လဲ ---"
"အတိအကျတော့မသိသေးဘူး ဒါပေမယ့် မကြာလောက်တော့ဘူးထင်တယ် ဆရာကြီး ---"
"ဟုတ်လား --- အင်း ဒါဆိုလည်း မင်း သူတို့လာမယ့်အချိန်ကိုစုံစမ်းပြီး ငါ့ကိုပြောပါ --- ကျန်တာကိုတော့ သူတို့နဲ့တိုင်ပင်တာပေါ့ ---"
"ဟုတ်ကဲ့ပါ ဆရာကြီး ---"
"ဒါဆို ဖုန်းချလိုက်တော့ ငါအခု မြေမထိမိုးမခ စံအိမ်ရှေ့ကိုရောက်နေတာ ---"
"ဟုတ်ကဲ့ ---"
ထွန်းအောင် ဖုန်းချသွားတော့မှ သူ ခြံကြီးထဲကို လှမ်းပြီးကြည့်လိုက်မိလေသည်။ ခြံထဲမှာ ငါးနှစ်အရွယ်ကလေးတစ်ယောက်က တစ်ယောက်ထဲ ဘောလုံးကန်နေ၏။ ကလေးလေးကြည့်ရတာ ချစ်ဖို့ကောင်းလိုက်တာ။ ဒါ သုရှင်မင်းနဲ့ ရင်ဝှက်ပန်းတို့ရဲ့ကလေးထင်တယ်။
BẠN ĐANG ĐỌC
ဟန်ဆောင်အမုန်း (Completed)
Lãng mạnအနှိမ်ခံဘ၀လေးမှာ အားကိုးစရာဆိုလို့ အမေနဲ့မောင်လေးပဲရှိတဲ့ သူမဘ၀ထဲကို '၀သုန်မြေ'ဆိုတဲ့ သူမပျော်ရွှင်ဖို့အတွက်ဆို သူ့ဘ၀နဲ့တောင်လဲပြီး ဂရုစိုက်ပေးတဲ့သူတစ်ယောက် ဝင်လာတဲ့အခါမှာတော့ သူမဘ၀ဟာ အခက်အခဲအညှိုးအတေးနဲ့ မနာလိုမှုတွေကြားထဲကနေ သူ့အချစ...
