ဒေါက် ဒေါက် ဒေါက်!!!!!
ဒီနေ့ဆေးရုံသွားရမှာဖြစ်တာကြောင့် မှန်ရှေ့တွင်ပြင်ဆင်နေရင်း တံခါးခေါက်သံကြားတာမို့ ဖွင့်ပေးလိုက်တော့ bathrob တစ်ခုတည်းဝတ်ထားတဲ့မောင်က အခန်းရှေ့တွင်မတ်တပ်ရပ်နေသည်။ ပြီးတော့ ပခုံးပေါ်တင်ထားတဲ့ သဘက်အဖြူကိုထိုးပေးရင်း
"အင့် သုတ်ပေး!"
ပြောပြီး တံခါးကိုပိတ်ရပ်နေတဲ့ကျွန်တော်ကိုဖယ်၍ အခန်းထဲသို့ခက်တည်တည်ဖြင့်ဝင်သွားသည်။ ပြီးတော့ကုတင်အစွန်းတွင်ထိုင်ပြီး အခန်းရှေ့တွင်ရပ်နေသေးသည့်ကျွန်တော့ကို ခနဲ့တဲ့တဲ့ပုံစံဖြင့်မျက်လုံးများမှေးစင်းကာကြည့်နေလေသည်။ အတန်ကြာတဲ့ထိကျွန်တော်မသွားဘဲနေတော့
"မောင့်ကိုရေလာသုတ်ပေးလို့ပြောနေတယ်လေ! "
"....."
ကျွန်တော်ဘာမှပြန်မပြောဘဲနေမိတော့
"ကျစ်! ကင်ဆော့ဂျင်တို့ လာရစ်နေတာပဲ"
အံမယ်ကျွန်တော်ကပဲ ရစ်တယ်ဖြစ်ရသေးတယ်။ သူအကျင့်ပုတ်တာကျထည့်မပြောဘူး။ သူ့အကျင့်ပုတ်လို့ကျွန်တော်စိတ်ဆိုးတာလေ။ ဖြစ်ပုံကဒီလိုပါ။ မနေ့က ယောင်းငယ်လာတော့ ထမင်းစားပြီးမှပြန်ဖို့ပြောထားတာကိုသူက ကျွန်တော်မသိအောင် ယောင်းငယ်ကိုထမင်းမကျွေးဘဲပြန်လွှတ်လိုက်တယ်လေ။ ကျွန်တော်ကအဲ့တာကိုစိတ်မကောင်းဖြစ်တာပါ။ ဟိုကတကူးတက အရေးကြီးတဲ့စာရွက်စာတမ်းတွေလာပေးတာကို ပြီးတော့ ယောင်းငယ်နဲ့မတွေ့ရတာကြာတော့ ထမင်းစားရင်းစကားလက်ဆုံပြောချင်တာကို ဒင်းကြောင့်။ ယောင်းငယ်ခမျာဗိုက်ဆာဆာနဲ့ပြန်သွားရတာ။ ဂျွန်ဂျောင်ကုတစ်ခါတစ်လေကျရင်တကယ်လူမှုရေးမရှိတာ။ အဲ့ကြောင့်အမြင်ကတ်လို့ တမင်မခေါ်ဘဲထား ထားတာ။ အခုလည်းကြည့်ပါလား။ ကျွန်တော်အခန်းထဲလာပြီး လူကိုကြည့်နေတဲ့ပုံစံက အထင်သေးသလိုလို ခနဲ့သလိုလိုနဲ့ မျက်လုံးကမှေးထားလိုက်သည်။
"ကင်ဆော့ဂျင်! မောင်ခေါ်နေတယ်လေ! ရေလာသုတ်ပေးပါဆို! အဲ့နှုတ်ခမ်းကဘာကိစ္စစူနေတာလဲ"
ကြည့် ကြည့် ကျွန်တော့်ကိုများ သူထက်အငယ်မှတ်နေလားမသိဘူး။ ရုပ်ကိုကပြုံးစိစိနဲ့။
YOU ARE READING
နှစ်နှစ်ကာကာ (completed)
Fanficသမုဒယကြိုးတွေ အထပ်ထပ်ချည်လို့ ချစ်ခြင်းသဘောကို လှစ်ဟပြချင်သည်~~ သမုဒယႀကိဳးေတြ အထပ္ထပ္ခ်ည္လို႔ ခ်စ္ျခင္းသေဘာကို လွစ္ဟျပခ်င္သည္~~
