မျက်နှာကို ရိုက်ခတ်နေသည့် ခပ်နွေးနွေးအထိအတွေ့နှင့်အတူ နှုတ်ခမ်းတစ်လျှောက်က ပူနွေးစိုစွတ်တဲ့အရာတစ်ခုအတွင်းသို့ကျရောက်နေသလို ခံစားရပြီး အပေါ်တစ်လှည့်အောက်တစ်လှည့် ငုံထွေးစုပ်ယူနေသည့် ခံစားချက်ကြောင့် အသည်းထဲက ယားကျိကျိဖြစ်လာသည်။
အိမ်မက်လိုလိုတကယ်လိုလို ခံစားနေရတာကြောင့် မျက်လုံးတွေကိုဖွင့်ကြည့်ဖို့ကြိုးစားပေမယ့် လေးပင့်တဲ့မျက်ခွံတွေကိုမတွန်းလှန်နိုင်။
တဖြည်းဖြည်း နှာခေါင်းဖျားကို ဖိကပ်လာတဲ့ တစ်စုံတစ်ခုကြောင့် အသက်ရှူကြပ်လာတာမို့ ထိုအရာကိုဖယ်ရှားရန်ကြိုးစားမိသည်။ ရုန်းကန်လေ ဖိညှစ်ထားလေဖြစ်တာကြောင့် ယခုအနေအထားဟာ အိမ်မက်မဟုတ်မှန်း ဆော့ဂျင်အသိဝင်လာသလို မရမကတွန်းဖယ်ရန် ကြိုးစားတော့သည်။
မျက်လုံးများပွင့်လာပြီး အသက်ရှုကြပ်ရခြင်းရဲ့တရားခံကိုရှာကြည့်တော့ ကျွန်တော်အရှေ့ရောက်နေတဲ့ဂျောင်ကု....
ထူပူနေတဲ့နှုတ်ခမ်းကြောင့် ကျွန်တော်သိလိုက်တာက ဂျောင်ကု ကျွန်တော့်ကိုနမ်းနေတာပဲ...
ဘယ်လိုတောင် တန်ဖိုးမထားတတ်တာလဲ...
သူ့အမြင်မှာ ကျွန်တော်ကသူ့အတွက်ပဲတကယ်ပဲ ကစားစရာတစ်ခုလို ခြယ်လှယ်ချင်တိုင်းခြယ်လှယ်လို့ရတဲ့ အရာတစ်ခုဖြစ်နေတာလား...
~~~ဂျွန်ကအဲ့လိုပဲ..သူခံစားချက်ကို သိပ်ကိုဉီးစားပေးလွန်းတယ်.~~~
ဆေးရုံမှာယူဟန်နီ ပြောခဲ့တဲ့ စကားတစ်ချို့ကိုပြန်စဉ်းစားမိတော့ ဝမ်းနည်းစိတ်နဲ့ ဒေါသစိတ်နဲ့ရောယှက်ပြီး ကြိတ်မနိုင်ခဲမရဖြစ်ကာ မျက်ရည်တွေပါဝဲလာသည်။
ဂျောင်ကုက ဘယ်အချိန်တည်းက အဲ့လို
လွယ်လွယ်ရလွယ်လွယ်ယူတတ်တဲ့
စိတ်မျိုးတွေဝင်လာရတာလဲ....
လုပ်ချင်ရာလုပ်ပြီး အပြစ်ကင်းချင်ယောင်ဆောင်နေတဲ့ ဂျောင်ကုကို ဒီ့ထက်ပိုပြီး သည်းမခံချင်တော့ပါ....
"ဂျွန် ဂျောင် ကု!"
အံ့ကိုတင်းတင်းကြိတ်ကာ ကျွန်တော့်လက်ကိုဆုပ်ကိုင်ထားတဲ့ သူလက်ထဲကနေ ရုန်းထွက်လိုက်ပြီး ဝုန်းကနဲ မတ်တပ်ထရပ်လိုက်သည်။
YOU ARE READING
နှစ်နှစ်ကာကာ (completed)
Fiksi Penggemarသမုဒယကြိုးတွေ အထပ်ထပ်ချည်လို့ ချစ်ခြင်းသဘောကို လှစ်ဟပြချင်သည်~~ သမုဒယႀကိဳးေတြ အထပ္ထပ္ခ်ည္လို႔ ခ်စ္ျခင္းသေဘာကို လွစ္ဟျပခ်င္သည္~~
