အခန်း ၃
"စဉ်းစာကြည့်ကွာ ငါပြောတာမှားသလား"
ရဲနိုင်သည် စည်သူမောင်၏ စကားအားနားထောင်ရင်းဘဝင်မကျတော့၊ မျက်မှောင်ကြုတ်ရင်းပင် ဆရာမပေးခဲ့သော သင်ခန်းစာအား တွက်ချက်နေ၏။
"မင်းမို့ကွာ၊ ငါ့သားလေးဂျက်ကီကို ဒီကောင့် သမီးနဲ့ပေးစားဖို့တွေးတယ်၊ ငါကတော့ သဘောမတူနိုင်ဘူး၊ သူ့သမီးမျက်နှာက မလှဘူးကွ"
စည်သူမောင်သည် ပါးစပ်မှ သင်္ချာ ၂ သင်ခန်းစာ၏ "ထောက်မှန်ခံအနား ၂ထပ်သည် ကျန်အနားနှစ်ဖက်၏ ၂ထပ်ပေါင်းခြင်းနှင့် ညီပါသည်" ဟူသော note အားကျက်မှတ်နေသည်။ထို့နောက်တွင် ရဲနိုင်ရှိရာသို့လှည့်ကာ
"ခွေးတွေက လှတာ၊ မလှတာ ရှိသေးတယ်လား" ဟုမေးလိုက်သည်။
"ရှိတာပေါ့ကွ၊ ငါ့အိမ်က ဂျက်ကီက မျက်နှာကျကိုက မင်းသားရှုံးအောင်လှတာ"
"မြန်မာပြည်က မင်းသားလား၊ ငါတော့ ခွေးတွေ၊ နွားတွေက တစ်မျက်နှာတည်းလို့ ခံစားရတာပဲ"
"အေး မြန်မာပြည်ကမင်းသားနီးပါးပဲ၊ သူ့ကိုပြောပေးစမ်းပါဦး ၊ ငါ့သားကို သူ့သမီးလို နီကြောင်ကြောင်မ နဲ့ သဘောမတူတဲ့အကြောင်း၊ သူ ဆရာမဆီ စာသွားပြီးအလွတ်ဆိုနေလို့ ကျောင်းကလည်းဆင်းတော့မှာလေ၊ မပြောဖြစ်မှာစိုးလို့"
"အေးအေး ငါပြောပေးမယ်၊ သူ့သမီးမင်္ဂလာကိစ္စဆိုတော့ သူသိသင့်တာပေါ့"
"ဒါနဲ့ သင်္ချာ၂တွက်ပြီးပြီလား ၊ ပြပါအုံး ဘာမှန်းကို မသိလို့"
"သင်္ချာ၂ကို ကျက်ဖြေကတည်းက မင်းကိုအထင်မကြီးတော့တာ၊ ရော့ ကူး"
ပေးသောစာအုပ်အားယူကာ ပျော်ပျော်ရွှင်ရွှင်ကြီးကူးလိုက်၏။
" အိမ်ရောက်ရင် ငါ့ကိုပြန်ရှင်းပြနော်"ဟူသောစကားကြောင့် အမြင်ကပ်မိပြန်သည်။ သူ့ကိုစာရှင်းပြလျှင် အခြေခံကစပြီးပြန်ရှင်းပြရလို့ပင်။
ကလင်...ကလင်....ကလင်
ကျောင်းဆင်းခေါင်းလောင်းမြည်လာချိန် အတန်းပိုင်ဆရာမအား အမြန်နှုတ်ဆက်လိုက်ကြသည်။ တော်ကြာ 'နေအုံး' ဘာညာဆိုကြာနေမှာစိုးရတယ်မဟုတ်လား။ ထို့နောက်တွင် ဝုန်းခနဲ့ပြေးထွက်လိုက်ကြတာများ နွားအုပ်ကြီးဖြတ်သွားသလားတောင်ထင်ရသည်။ ကျွန်တော်ကတော့ စာအုပ်တွေကိုအေးအေးဆေးဆေးသိမ်းနေရစ်၏။
YOU ARE READING
မကြားချင်ယောင်ဆောင်သော ကြယ် (မၾကားခ်င္ေယာင္ေဆာင္ေသာ ၾကယ္)Completed
Romance"လူနှစ်ယောက်ချစ်မိလို့အဆိပ်သင့်တယ်ဆိုရင် မောင့်ကိုအဆိပ်ခပ်ခဲ့တဲ့လူဟာကျွန်တော်ပါ'' အာသာဝတီ(နွယ်နီနတ်ပန်း) ၂၇ရက်၊ နိုဝင်ဘာလ၊ ၂၀၂၂ခုနှစ်တွင် စတင်ရေးဖွဲ့သည်။ 🍋🍋 "လူႏွစ္ေယာက္ခ်စ္မိလို႔အဆိပ္သင့္တယ္ဆိုရင္ ေမာင့္ကိုအဆိပ္ခပ္ခဲ့တဲ့လူဟာကြၽန္ေတာ္ပါ'' အာသာဝတီ(...
