🌛رمضان كريم🌜 🌞 شمس الغريب 🌞
🌒🌅 الطريدان 🌅🌒
🍁 الحلقة 3 🍁
👑سلطان الصحاري👑
🍁 الجزء 13 🍁
منصور ما قشع والو هو غير كيدور فعينيه فرحان ملي وصلو بخير وعلى خير لهاد الأرض المباركة كله حماس بحاله بحال جميع الرجال والشباب لي جاو .. كيدورو فعينيهم بين الديور لي مختالفين على ديورهم .. والثقافة لي مزدهرة على ثقافتهم .. كل الجمال مجموع فهاد القبيلة أو الإمبراطورية لي وصلو ليها .. ما فيقهم غير صوت كبير الحرس لي كيهضر من فوق واحد القصبة جات على الدخلة
الحرس: اا سمعوو كلشي ينزل من على البعير .. خليوها فصف ونتوما فالصف الثاني كلشي غادي يتقلب .. وحوايجكم راه غادي يبقاو كما هما ما تخافوش
هنا عاد فاق منصور من القلبة وما عرفش اش غادي يدير هادي هي الحاجة لي ما كانش ضارب ليها الحساب وما كانش عارف واش كيكون هاد التفتيش .. قلب عينيه شاف فيها بانو ليه دموعها نزلو وعمرو الرزة لي ملوية على راسها ونيفها وفمها الطريق كله .. لأول مرة منصور يحس ببنته وهاد الموقف لي حطها فيه
بدات عملية التفتيش كل آب مع الابن دياله والبعير ديالهم وهي غير كدور فعينيها أما منصور حالته .. لدرجة خلاو الحرس يشكو فيهم وما يحيدوش عينيهم عليهم .. تعمد منصور انهم يبقاو هما اللخرين .. لأنهم شافو عملية التفتيش كيفاش دايرة ماشي غير حوايج ومن الفوق وصافي .. كيدخل واحد من الحرس مع كل شخص لواحد البيت يعني ممكن يكون التقلاب واصل لشي مرحلة متقدمة
ملي وصلات نوبتهم صرط ريقه وتقدم هو الاول فتشوه وكان تفتيشه أطول من الكل لأنهم اثارو الانتباه وملي خرج من داك البيت خرج ملون وقلب عينيه بانو ليه الرجال والشباب لي جاو معاهم واقفين مزال كيتسناو باش يصيفطوهم مجموعين .. منصور رغم أنه بنته بقات فيه وهو شاف التفتيش كيفاش تدار إلا أنه ما رضاش قدام الباقي باش يقول ما تقلبوهاش هادي راه بنتي ماشي ولدي .. وهي كانت كتنتاظر منه أنه يحميها أو يقول ولو غير كلمة فحقها ولكن كما العادة صدمها ملي خلاهم يدخلوها للتفتيش وهي كتقرى الاعتذار من عيونه لي ما كفاهاش
بغا يبقا أمام الباب خايف عليها رغم كل شيء كتبقى بنته طرف منه ولكن الحرس ما خلاوهش وبما أنه التفتيش دياله كمل خلاوه يلتحق بباقي الفلاحة .. كان باين عليه الخوف والترقب .. واش غادي يخليوهم ولا غادي يرجعوهم أو يقدرو يعاقبوهم gاع
أما فداخل داك البيت كان نفس الحارس وشخص ثاني هو جالس على مكتب بالعود وقدامه كناش كبير كيقيد فيه الأسماء والقبيلة .. صرطات ريقها وهي كتشوف الحارس غا يبدأ يقلب فيها بعدات بخطوات خلاته يعقد حواجبه والثاني وقف فاستعداد لأي هجوم من طرفها ولكن هي مشات لواحد الركنة ووقفات
الحارس: واش كنلعبو هنا .. اجي لهنا راه كضيع لينا الوقت
لا رد من طرفها بقات غير كتشوف وحبات العرق على جبينها ومن جهة نيفها وفمها فازg بالدموع ديال قبيلة والعرق المتصبب منها بسبب الخوف
وقف هداك لي كيقيد فالكناش وقرب منها وهي غير كتكمش حتى غطى عليها لآخر وهذا كان صحيح وغليض على الحارس إلى شدها يطويها بقا كيشوف فيها وكيحقق حتى ظنات انه كشفها وعاود رجع خطوة للخلف
الشخص: واش خايف ؟
حركات راسها من الفوق لتحت بمعنى أنها خايفة
الحارس تعصب: وعلاش جاي ملي خايف .. بلادنا ما محتاجاش لي يخاف .. محتاجة للشجعان .. واصلا لي خايف غادي يكمل من العتلة والفاس ويرجع لقبيلتهم .. خلينا نديرو خدمتنا .. زيد لهنا
عاود صرطات ريقها كتجي توقف وطيح غير بوحدها ديك الركنة تمسكت بيها وهي كتشوف هداك رجع لبلاصته باش يقيد والثاني واقف الوسط كيتسنى فيها باش يدير خدمته وهي سامرة خايفة من لي جاي ندمات علاش ما هرباتش من القبيلة ولا هاد الموقف .. كانت كطلب شي حد يفكها ووالو حتى تدق الباب وتحل من طرف حارس آخر مغوبش وباين هو gراضو أكبر من هاد جوج
الحارس: علاش معطلين ؟
هز راسه هداك فيها معصب: زيد هنا خلاص انت خلينا نمشيو فحالنا
🍁🍁🍁🍁🍁 سلطاناتي 🍁🍁🍁🍁🍁
واش غا يكتشف سرها وما تدخلش للقصر ولا غا توقع شي معجزة ؟
