🌛رمضان كريم🌜 🌞 شمس الغريب 🌞
🌒🌅 الطريدان 🌅🌒
🍁 الحلقة 20 🍁
👑سلطان الصحاري👑
🍁 الجزء 115 🍁
تمشى هو وياه على ضفاف النهر .. منها ليل يتافقو ويعطيه مناجي جواب سؤاله .. ومنها مناجي يعرف مصير حبه اش يكون .. دائما كان كل واحد كيحاول يسعى لربط الصداقة .. بالحق الظروف والمشاكل ما كانتش مساعدة .. لذلك عمرهم ما جاتهم الفرصة لذلك .. ولكن عمرهم توقعو أنه الفرصة غا تكون على هاد الشكل
مناجي: الواضح أنك باغي تسمع جواب سؤالك؟
تبسم ليل ووقف مقابل مع الواد: تصدق أنه الجواب سمعته قبل ما نجي هنا؟
تبسم مناجي بتلاعب: بالحق جوابي أنا غادي يكون مختلف
هز حواجبه بفضول: اهاااه أبهرني اا سيدي
مناجي: داك اليوم فور وصولي للقصر .. علمت بخطتهم لأنه واحد من خدم البشير لي علمهم .. بأنك خرجتي مع عبد الرحمان لوحدكم .. داك الوقت البشير كان فمهمة على حد علمي .. وأنا وياه رجعنا فنفس اليوم وهذا كله من تخطيط خويا .. لأنه كان عوال يقتل حتى البشير أساسا .. المهم جيت مع يدي اليمنى للجبل .. وصادفنا محاربيك وخطة البشير كانت واضحة أساسا .. كان عوال على قتلك إلى لقاك مزال حي .. وإلى لا كان عوال ينقلب هو الآخر على خويا وابن عمي
تفاجأ ليل: علاش ما تدخلتيش داك الساعة؟
مناجي: كنت غادي ندخل فحالة وحدة .. كون شفتك كتخسر .. لأنه مستحيل نسكت على الغدر .. واخا يكون خويا ولد أمي وأبي .. ولكن السبب لي خلاني مصدوم أكثر ونتكتف .. هو نهار ديك البنت غريبة عجيبة فعلا .. غير غبر البشير وأتباعه زالت اللثام .. وكشفت نفسها طبعا صدمتي كانت أكبر من محاربي عبد الرحمان الأقوياء .. لأنهم كيعرفوها قبل وملي بدات كتعطي خطتها هي .. صراحة أعجبت بهاد القوة والشجاعة .. سمعت خطتهم وعلى هاد الأساس كنت بحال ظلهم .. شفت عملهم المتناسق وكيفاش أتمو المهمة .. شفت حتى قتلها لخويا وابن عمي وحتى البشير .. وقدرت نشوف حتى الخوف لي كان فعيونها عليك .. ضحت بنفسها باش تعتق روحك انت .. وحتى خوفك عليها وتجردك من كونك سلطان البلد شفتو .. شعلات فيا حرارة الإنتقام وما بغيتش ناخد نهار منك .. بغيت نحشرك وتسلمها انت بيدك .. كنت عوال نحرق قلبك كما حرقتي قلبي .. تنتهي الحرب الدموية .. وننتاصر أنا فحرب العشق والغرام .. ولكن دبا كنعتاذر لأنه ما كنتش عارف بلي تم التلاعب بينا
تبسم ليه ليل: وحتى أنا كنبادلك الإعتذار .. حتى أنا ما كنتش عارف هاد الخبايا
قربو منهم مرة أخرى ولكن قبل لا يوصلو وقفو: ليل .. بالنسبة ليا مع قطرة الندى؟
شاف فيه ليل وشاف فاخته: والله إلى مشكلتك صعيبة حقا .. كنتمنى ليك الحظ
فهم مناجي أنه ليل ما باغيش يتدخل .. يصلحو أمورهم مع بعض وهو بعيد .. ولكن غا يكون فرحان إلى كانت أخته مع مناجي .. لأنه هو الشخص لي يستاهلها فعلا .. لأنه كيبغيها هادي ما فيهاش الشك .. خاص غير هي ترطاب وتسمح ليه .. لذلك مناجي مشكلته كبيرة فعلا .. تابعاه خدمة نيت ديال بصح .. وغير وصلو عندهم قلبات عليه وجهها ثاني .. خلات الكل يتبسم إلا هو لي كيدرس خطوته .. أما ليل خدا المخطوطات من عبد الرحمان .. ومدهم لمناجي هما نفس المخطوطات ديال أراضيهم .. شكرو مناجي وتحيدات ديك الغمامة ديال الكره لي كانت
