🌛رمضان كريم🌜 🌞 شمس الغريب 🌞
🌒🌅 الطريدان 🌅🌒
🍁 الحلقة 12 🍁
👑سلطان الصحاري👑
🍁 الجزء 70 🍁
تسلتات من تما مخلياهم مكملين نقاشهم المهم عرفاته ولكن ما عرفات ما تدير بيه طبعا ليل فهمات أنه حتى واحد ما كيبغيه يتدخل ليه فحياته .. بالحق هي علاش أصلا مهتمة بأموره الشخصية وفوقما كتسمع بلي راه شي واحد كيهضر من وراه وباغي ليه الأذينة كتبغي توصلها ليه .. قبل ما كانتش كتعرف زمرد ولا حتى ليل ولكن عارفة قيمة الولد إلى تزاد عند السلاطين ما كانتش بغات مصير دولة وحكمها يضيع بسبب غيرة النساء .. ولكن دبا شنو غادي دير واش هادشي لي سمعات بسيط وخاص تبقى ساكتة بلا ما تدخل ولا خاص تفكر مزيان كيفاش توصل ليه الخبار بشي طريقة أخرى .. فكرات تخبر الغالية كتبقى أمه ولكن هي بفمها قالت ليها بلي راه أنا وما كيبغينيش نتدخل فأموره
عيات بالتفكير وفالأخير لقات راسها خرجات فشي واحد .. هزات راسها فواحد الكسدة طولة وتجريدة وجمال عرفاته من وقفته محارب شجاع ومغوار .. بعدات خطوتين عطاته سلامه وتحيته واعتذرت وعينيها فالأرض .. ما باغيا دير حتى مشكل على الأقل حتى توصل ليه اش سمعات .. ولكن تجري الرياح بما لا تشتهي السفن هو ما باغيش يحبس المشكل هنا وصافي
شاف فيها بحدة: شكوون نتي؟ عرفي براسك؟
بقات بنفس الوضع: أنا اا مولا....
قاطعها صوتها منقذتها الغالية طبعا: البشير .. ياك ما كاين باس؟
حواجبه دائما معقودين قدم ليها التحية: مولاتي الغالية .. غير شفتها غريبة فالقلعة .. وللأمن والسلامة بغيت نعرف شكون .. هادي لي كدور وسط القلعة بطلاقة وحرية
هي بقات فودنها غير البشير داك الإسم هو لي بقا لاصق .. هزات عينيها كتحاول تقلب على شي حاجة فيه تأكد ليها أنه هذا هو ولد عم السلطان .. وحتى هو بقا غير كيشوف ويتفحص فيها جاتو غريبة ومختلفة قلبا وقالبا
تبسمت الغالية: معذور اا البشير .. ما كنتيش هنا .. أما راه نهار ولات مشهورة فالقصر .. وأكثر شهرة فالقلعة .. غادي تسمع قصصها كون أكيد
بقاو عينيه عليها وهي ما حملاتش شوفاتو قربات من الغالية ووقفات كأنها كتحامى بيها خلاته تالف غير بوحدو فيقاتو من سهوته فيها
حرك راسه: علاش لا اا مولاتي الغالية .. نسمعو أخبار (بقا ساكت شوية) نهار .. أنا غادي نمشي نشوف مولاي السلطان
الغالية تبسمت: بنتي ليا رجعتي بأخبار زوينة .. مزيان نيت القصر فحاجة ليها .. غادي تلقاه غير فقاعة الحكام
خوا لها هو وحرسه الطريق تمشات هي وحريمها ومعها نهار .. لي قشعات عينيه لي بقاو تابعينها وحاسة بيه متبعهم حتى من الخلف ولكن ما بغاتش تدور .. السؤال لي عندها فراسها حاليا هو واش هذا هو البشير المعلوم ولا غير تشابه فالأسماء .. أما هو ما عارفش علاش جذباته واش حيت فعلا مختلفة على كل لي فالقصر لا من أميرات أو سلطانات أو جواري أو خدم .. هي شكلها وتصرفاتها وحتى عدم درايتها بالتصرف داخل القصر مخلياها متميزة على الباقي
