🌛رمضان كريم🌜 🌞 شمس الغريب 🌞
🌒🌅 الطريدان 🌅🌒
🍁 الحلقة 16 🍁
👑سلطان الصحاري👑
🍁 الجزء 91 🍁
من بعدما احضرتها الغالية معها للجناح ديالها مرة أخرى .. هاد المرة نهار ما كانتش فرحانة .. حاسة كأنه حيت ما قادرش يعاقبها لأنها مصابة أولا وحيت خيرها كثير على حكمه ثانيا .. داكشي باش قرر يعاقبها بهاد الطريقة وهي يخرجها من هنا .. وماشي حتى هو لي جا خرجها أرسل غير أمه تتكلف .. هادشي لي كان عقلها كيملي عليها .. طول طريق الرجوع ما كانتش كتسمع كلام الغالية نهائيا .. كانت غير هي وياها وجوج حرس .. حتى كيتفاجئو بأربعة ضارو بيهم .. حرس من القصر وكيخدمو لصالح عم ليل آب البشير .. ضربو الحرسين لي معاهم خلاو الغالية ونهار يدخلو فبعضياتهم
تكلم واحد منهم: مولاتي لالة الغالية .. سمحي لينا حنا غير مرسولين .. باش نقضيو على هاد البنت .. لي خربت القصر فور وصولها
بقات الغالية كتشوف فيهم بحدة: بغيتي تقول البنت لي جبدات كل خائن وخوان فهاد القصر ونسيتي واقلة .. شكون صيفطك؟
هبط راسه للأرض كبيرهم: مولاتي أم سيدي البشير
الغالية نهضات فيه: حيد من قدامي
وكأنه ما سمعش كلامها تقدم بخطوات لنهار ولاخرين حتى هما .. مخليين الغالية مخرجة عينيها .. الجهة منين جايين شبه فارغة ولكن واش نهار لي تستسلم مستحيل .. هو كيتقدم وهي كترجع بخطوات للوراء .. هو بخطوة وهي بجوج وتلقائيا الغالية ولات كدير بحالها .. حتى وصلات جنب الحرس لي كانو مصابين .. لأنهم ضربوهم من الخلف بغدر .. جرات السيف ديال واحد والغالية هي الأخرى اخدت الثاني .. تقدمات بإصابتها كتحارب وتقاوم هاد الظلم بكل ما بقي لها من قوة .. ولكن الصدمة أنه الغالية كانت محاربة محترفة هي الأخرى .. خلات نهار مصدومة ودوك الحرس أكثر منها .. وليل لي كان كيشوف المنظر من الفوق هو الآخر مصدوم على الأخير
كان جاي لجناح الأب دياله على أساس يدون قانون آخر حط فتاريخ حكمه .. وهو هذا الخاص بإعطاء المرأة حقوقها كاملة .. حتى كيتفاجئ بهاد المشهد ديال مبارزة .. كأنها حرب بين رجال أو محاربين أشداء كأنه أمه ونهار ماشي عيالات .. اصابو الحرس الأربعة وبقاو هما الوسط كيطلعو النفس ويهبطوها بابتسامة على شفايفهم .. قرب كيسمع الحوار لي كيدور بيناتهم بلا ما يردو ليه البال
كانت نهار مستغربة من الغالية .. عمرها ما قالت بلي حتى هي محاربة .. أو كتعرف تهز السيف وتبارز بيه .. وكتاب لنهار أنها تحارب هي وياها فنفس الميدان
نهار: مولاتي الغالية .. الصراحة أنا منبهرة بيك .. ما كانش يسحاب ليا حتى نتي محاربة .. واش سلطانات القصر كيتدربو؟
شدات جنبات خصرها الغالية بابتسامة: واش نكون من قبيلة بني زروال وما نقدرش نحارب اا نهار .. واش ماشي عيب وحشومة فحق جدودي؟ .. حتى واحد ما عارفني واش كنقدر نهز السيف فالقصر .. من غير المرحوم لقمان طبعا
