- انا نازله يا ماما
قالتها ريهام بصوت مرتفع قليلا لوالدتها القابعه بالمطبخ ، لتخرج زيزي وتتجه نحوها مُسرعه قائله
- خلي بالك على نفسك يا ريهام يا حبيبتي
ابتسمت ريهام بهدوء قائله
- حاضر يا ماما متخافيش عليا
اردفت والدتها بجديه
- وتخلصي الشغل وتيجي علطول متقلقنيش عليكي
ابتسمت ريهام بحب على والدتها وخوفها الزائد عليها لتردف
- متقلقيش يا حبيبتي انا هكلمك واطمنك عليا
احتضنتها بحب وكادت تذهب لتوقفها والدتها بتذكر قائله
- متنسيش بكرا عيدميلاد تقى
ابتسمت ريهام قائله بلهفه قبل انت تذهب
- مش ناسيههه
لتبتسم والدتها بحب محدثه حالها
- ربنا يحميكي يارب ويطمني عليكي يا ريهام يابنتي
..
- مينفعش تدخل الجواز فالشغل يا مصطفى
قالتها حنان بضيق لزوجها الجالس بجانبها ببرود لتسمعه يردف
- انا قولت اللي عندي يا هانم انتي و بنتك ، عايزه تكمل شغلها يبقا توافق على عز ابن أخويا ..
ثم نظر لزوجته مُحاولاً إقناعها
- مش عايزه تطمني على بنتك يا حنان ! ده عز هيجبلها كل اللي تتمناه .. ده محمد اخويا كل شويه يكلمني فالموضوع
نظرت له حنان قائله بعدم رضا
- محمد أخوك لسه فاكر انه له أخ ؟ ، جاي يكلمك و عايز البت وهو أخر مرة شافها كان عندها 5 سنين يا مصطفى !!
اردف بجديه
- ايوا كلمني و مُستعد ينزل القاهرة هو و ابنه يخطبوها بس هي توافق بدل دماغها الناشفه دي ..
ثم اكمل بغضب
- وبعدين حتى لو موافقتش على عز مسيرها هتتجوز ، و اول عريس هيخبط على الباب هجوزهولها بقا ايه رأيك ؟
تنهدت حنان بقلة حيله قائله
- ده حتى مشافهاش ، ازاي بس عايز يتجوزها !!
نظر لها بحنق وهو يُشعل سجارته قائلا
- اقنعي بنتك يا حنان ، احنا مش هنلاقي أحسن من دي جوازه مش هندفع فيها ولا جنيه ، هما عايزينها بشنطة هدومها ..
نظرت له حنان بضيق ف كل ما يفكر به هو المال !!
لا يفكر بإبنته ومستقبلها وكيف سيكون زواجها من شخص مثله !!
تنهدت لتردف
- إن شاء الله
ثم تركته ونهضت لتتجه الى غرفة ابنتها ..
لتجدها نائمه فوق فراشها بحزن تبكي ، شعرت حنان بالألم الشديد من رؤية ابنتها بذلك المظهر لتقترب منها وتردف بهدوء
أنت تقرأ
حُبي لك
Lãng mạnلم أحبّك لحاجتي للحب ، و لم أحبّك لتسدي فراغات أيامي ، لم أحبّك لأنني وحيد و أريد ظلاً أُستظلّ به .. بل أحببتك لأنك أنت ، لأنك المكان الآمن ، لأن الخوف معك يتلاشى كأنه لم يكن ، أحببتك بسجيتك و بعيوبك و ندوبك حتى في اللحظات التي لم تُحبّ نفسك بها أح...
