A Hot Night with You

Chapter 6

Brennan Legazpi

Kinabukasan. . .

Inaasikaso naman agad ako ng military Doctor na kaibigan ni Bossing. Mariin itong nakatitig sa akin, buti pa si Canna ay easy lang at nakangisi lamang sa akin.

Nang matapos akong gamutin ay umalis na ang Doktor. Tumayo si Bossing at tinitigan ang mapa sa lamesa ng buong silid namin.

"Who helped you, Legazpi?"

"Ako ang tumulong sa kanya, Sir." Canna said with determination.

Tumaas ang kilay ni Bossing, "And you expect me to believed that, Castro?"

Napalunok kami pareho ni Canna. Tangina! Ito na nga ba sinasabi ko. Mabilis makaamoy si Bossing. Mabilis siyang makapick-up ng sitwasyon.

"Answer me honestly!" sigaw niya sa aming dalawa.

Hindi naman kumibo ang mga siraulo. Mataman rin kaming tinititigan. Holy mother of God, save us!

Bago pa ako, makapagsalita ay biglang pumasok ang mga tauhan ni Bossing. Hingal na hingal at takot na takot.

"What happened?"

Kuryuso akong nakatingin sa mga dumating.

"Sir. . .wala ho sa opisina niya si Kernel."anunsiyo ng isa.

Kumunot ang mga noo naming lahat.

"Ang hula ho namin ay may dumukot sa kanya. Pagkapasok namin sa opisina niya, gulong-gulo at nagkalat na mga papeles sa sahig." paliwanag ng isa.

Dahan-dahan akong napasulyap kay Canna. Nang magtagpo ang paningin namin, parang alam na namin kung sino ang may gawa.

"Fvck! Find him, quickly!"

Agad na sumaludo ang mga ito at umalis na. Lumingon si Bossing sa akin, maging kay Canna.

"Hindi pa tayo tapos mag-usap,"lumingon ito kay Rashid at tumango, hinarap si Wesley,"Wesley, check the cctv footages."

Agad na lumabas si Wesley, nakahinga ako ng maluwag do'n ah.

Pabalik-balik ang lakad ni Bossing sa harap ko.

"Baka sindikato ang dumukot kay Kernel, Bossing." sambit ni Conrad.

Hindi kumibo si Bossing, seryoso itong nag-iisip ng biglang dumating si Wesley.

Ang bilis naman!

"What did you find?" agad na tanong ni Bossing.

Nilapag ni Wesley ang laptop na dala, tumayo ako at sumilip rin. Nanlaki ang mga mata kong klaro'ng-klaro ng buo kung sino ang nasa camera. Sa tindig, ayos at kilos. Hindi nga ako nagkakamali, si Jem nga. Pero bakit si Kernel ang kinuha niya? Hindi ba dapat ay ang kalaban namin. Mas lalong bumilog ang mga mata ko ng mapagtantong, baka kasapi nga si Kernel.

"Find that culprit, Wesley. As soon as possible!"komando ni Bossing.

Napaatras ako sa mga ideyang naglalaro sa utak ko. Holy shit! Kaya ba ayaw magpakita ni Jem, kasi nasa loob mismo ang totoong kalaban niya. Fvck!

"Sa tingin mo, Bossing? Sindikato ba?" tanong ni Rashid na dumating.

Umiling si Bossing. Kinakabahan na tuloy ako, talagang lagot kami ni Canna kapag nagkataon. Napalingon kaming lahat ng tumunog ang telepono malapit kay Conrad. Kinuha niya ito, agad na ibinigay kay Bossing. Konektado naman ito sa isang pc para ma-trace kung nasaan ang lokasyon ng caller.