Double E {Completed}

Part:20

Unicode

ပြိုင်ပွဲကိုအကြိတ်အနယ်ယှဥ်ပြိုင်ကြပြီးနောက် လက်ဆင့်ကမ်းအပြေးပြိုင်ပွဲမှာ ထယ်ယောင်းတို့က ကျောင်းကိုယ်စားပြုအနေနဲ့ ဗိုလ်စွဲလေသည်။ ဂျီဟွန်းဆိုသည်မှာလည်း သူ့ကျောင်းသူအားမပေးပဲ ထယ်ယောင်းတို့ကိုသာ အသံတွေဝင်သည်အထိ အားပေးခဲ့သည်။ ရုပ်ရည်ချောမောကြရုံမကပဲ ဒီနေ့အတွက်ဆုပါရကြတာမို့ သူတို့အားလုံးမှာအရင်ကထက် ပိုပြီးလူသိများလာသည်။ တက္ကသိုလ်အားလုံးနီးပါးရဲ့ဖိုရမ်မှာလည်း ထယ်ယောင်းတို့ရဲ့ပြိုင်ပွဲဝင်နေတဲ့ ဓာတ်ပုံတွေ၊ ဗီဒီယိုတွေချည်းပင်။ ထိုမျှပင် နာမည်ကြီးနေကြပါသော သူတို့အား ရည်းစားအ​​ဖြစ်လိုချင်သူတွေကလည်းဒုနဲ့ဒေး။ Instagramမှာလည်း followerတွေထောင်နဲ့ချီထပ်တိုးလာလို့ တက္ကသိုလ်တွေမှာ လူပြောအများဆုံးနေရာတွင် ရပ်တည်နေကြသေးသည်။

ကျောင်းရောက်တာနဲ့သူ့ရဲ့စားပွဲပေါ်မှာရှိနေတဲ့ လက်ဆောင်တွေမုန့်တွေကို ဘယ်လိုကိုင်တွယ်ရမှန်းမသိ။ USတုန်းကလည်း ထယ်ယောင်းကပေါ်ပြူလာဖြစ်ပေမယ့် ဒီလောက်ကြီးလက်ဆောင်တွေရတာမျိူးတော့မဖြစ်ဖူး။ ဂျီမင်တို့ကိုမျှပေးရအောင်လည်း သူတို့ဘာသာသူတို့တောင် မနိုင်။ တစ်ဖက် ဂျောင်ဂုတို့ခုံပေါ်မှာလည်း ထိုနည်းလည်းကောင်း။ ဟူး...ခဏအရူးထကြတာပါ။ အချိန်ကြာရင်ရပ်သွားလိမ့်မယ် ဖိုက်တင်း။

ခန့်မှန်းချက်တွေက မမှန်ကန်ပဲ ၂ပတ်၃ပတ်ကြာသည်အထိ နေ့တိုင်းလက်ဆောင်တွေရနေသည်။ လက်​ဆောင်တွေက ချစ်ဖို့ကောင်းပြီးနှစ်လိုဖွယ်တွေချည်းသာ။ ဒါတွေကိုဘယ်လိုလုပ်ရမလဲ စဥ်းစားလိုက်တဲ့အချိန် အကြံတစ်ခုရသွားပြီး ကျောင်းအပြင်ဘက်က စတိုးဆိုင်မှာ လက်ဆောင်ပုံးကြီးကြီးတစ်ခုသွားဝယ်ပြီးအကုန်စုထည့်လိုက်သည်။ လက်ဆောင်ပုံးကြီးကိုကြည့်ကာ တစ်ချက်ပြုံးလိုက်ပြီး သူ့ကားထဲသွားထည့်ဖို့ ကားပါကင်အရောက် ဂျီမင်တို့နဲ့ဆုံသည်။ သူ့ကိုတစ်လှည့် လက်ဆောင်ပုံးကြီးကိုတစ်လှည့်စီကြည့်ရင်း ဂျီမင်ကလာမေးသည်။

"ထယ်ယောင်း လက်ဆောင်ပုံးကြီးနဲ့ဘာလုပ်မလို့လဲ"

"ငါ့စားပွဲခုံပေါ်က လက်ဆောင်တွေလေ၊ တစ်ခုခုလုပ်စရာရှိလို့"