جَنّاح

Part 2

انخوك اشو البارت الاول قرائته زينة والكل خانس غير
ثلاث بنات حبايب قلبي هذولا البارت الهم.

استمتعوا والخانسين خلي شوية يطلع لكم حس 😉.

......

• لك جبل شدتحچي أنت!.• بعيون مفتوحة على وسعها نتر بي هيثم وجبل باوعله بطرف عينه وضغط اكثر على لزمته لأيده يحاول يطمنه ويسكته فتدخل حيدر وعيونه تباوع بكل حقارة وشماته لجبل • وريني عود صلافتك وفحولتك ولسانك هذني بالشارع، يا ناكر الجميل لولاي چان كلكم متوا من الجوع بالشوارع ولا بشر يباوع لحالكم!.• رفع جبل عيونه البنية يباوع وسط عيون حيدر بكل تحدي وجراءة.

• لاتسوي بيها صاحب فضل علينا انت الي مستفاد مننا، والا احنا كلشي ماحصلنا منك!.• صك حيدر سنونه باستحقار وما اهتم لكلامه وبس رد عليه بجفاء • يلة وروني عرض چتافكم ماريد أشوف وجهكم باچر الصبح من أجي!.• هيثم ظل يباوع لهم وگلبه أنقبض، وبطنه صارت توجعه من القلق مچان متوقع راح ينطردون هيچ بدون سابق أنذار والاسوء انه جبل سحبه وراه رايد يطلع بيه وهو بعده لازم معصم أيده فنطق بصوت ناصي • جبل بس لحـ...• ما خلاه يكمل من أندار عليه وبحدة هسهس يهديده • حچاية وحدة ماريد هيثم، أحفظ مي وجهك وكافي أهانات.•

طلع جبل ووراه ساحب هيثم الي دنگ راسه بالگاع مو مستوعب للأن الكلام يلي أنگال والوضع المترتب عليهم، وبس شاف البقية نازلين من السطح بعد ما كملوا أكلهم هو حاچاهم بحزم • كلكم تودون مواعينكم وتلحگوني للغرفة مالتي اني وهيثم.• باوعوا لوجهه وملامحه يلي ما تتفسر وهيثم الي مبين عليه القلق والارتياب، وعبرهم وراح لغرفته وبساع الكل نفذ حچايته وتبعوه لغرفته ماعندهم ذرة صبر حتى يعرفون شصار وشگاللهم حيدر من كلام يدل على أنه اكو مصيبة بكل وضوح.

جبل چان گاعد على جربايته، ومكتف ايديناته لصدره وهيثم ماهدأ للحظة يتحرك روحه وجية بكل اركان الغرفة لحد مانتر بي جبل • دكافي عاد مو حولتني!.• باوعله هيثم بحدة بطرف عينه وهو يگضم وياكل بأظافره ينتر بي بحده أكبر • ولك جبل انت مستوعب شسويت!، هاي بدل ما نتوسل النا شوية بهالگواد بلكت يخلينا فد اسبوع اسبوعين هسة حناكل عيورة وننشمر بالشوارع متگلي وين نولي؟، ننام بالشارع يعني لو نگود لو شنو نسوي عمود نحصل مكان!.• بعصبية وأنفعال چان يحچي هيثم بنفس اللحظة يلي دخلوا بيها وسمعوا كل كلامه.