يعني صراحة ماعندي غير شي واحد احچيه،
يگول المثل تعب ايدك ولا تتعب لسانك،
ما حستمر بالتحديث غير لخاطر الي يحبون
هالرواية وداعمينها گول وفعل مو بس اصنام
فالحين يتأمرون.
استمتعوا.
......
لملم بسام غراضه طالع من أخر محاضرة اله بتعابير مطفية وباردة، گعد على وحدة من المصطبات الي بساحة الكلية والكل گاعد يطلع وية جماعته واصدقاءه، بعد ماخلص الدوام وهو متجنب أنه يشوف مهيمن بأي شكل.
طلع بسام تلفونه يفتحه بعد مچان غالقه يشوف سبعين اتصال فائت من مهيمن وخمسين رسالة دازها اله، كلهن ديعتذر بيهن منه ويساله هو وين ويريد يشوفه، فعض بسام شفته يتنهد بثگل جار شعره بقوة ليورة ندمان على تصرفه وية مهيمن بس هو راد ياخذ وكت لنفسه قبل مايراضيه مو متعمد يتجاهله، هو خاف يشوف مهيمن واستحى منه لأنه كبر الموضوع وضربه راچدي فچان يريد يحضر روحه ويعتذر اول شي.
دخل بسام لرقم مهيمن يتصل بيه، بس هو تفاجئ بتلفونه مغلق، بلع بسام ريگه يباوع حواليه گايم عن مقعده يدور عن مهيمن بعيونه بين الطلبة، بأمل انه يكون بعده ماطلع من الكلية، وهو لمح جماعته يضحكون ويتمشون وية بعض رايحين للبوابة، فركض الهم موگفهم يصيح بأسماءهم • حسن مرتضى ضياء!.•
أنداروله وطبعاً همة يعرفون بسام وبشكل أعتيادي كبرت ضحكتهم بوجهه يجاوبه ضياء • هلا بسام شخبارك؟، تصالحت انتة ومهيمن؟.• سأله بفضول وبلع بسام ريگه متنهد لأن مبين مهيمن شكالهم عنه، بس طبعاً همة مايدرون بعلاقتهم الحقيقية بتفكيرهم همة عبالهم اصدقاء.
• هو داريد اسألكم عنه..ماشفته اليوم طلع لو بعده؟ شو تلفونه مغلق؟.• سأل رافع عيونه بوجههم وبين الاستغراب على ملامحهم من سؤال بسام يجاوبه حسن بعد ماحط أيديه بجيوبه • ماندري بيه همين لأنه گضى اليوم يدور عنك وعايفنا! يعني ما تشاوفتوا؟!.•
• لا..• بأختصار رد بسام مدلك رگبته من ورة فتدخل ضياء بالكلام منتقدهم بملل • يمعودين انتو اشبيكم چنكم توم وجيري ماتعرفون تگعدون بدون عراك وبعدكم كلمن كاتل روحه على الثاني ومگاطعين صداقتكم!، شلها داعي هالسوالف؟، بعدين روح لبيته وحاچيه اذا طلع.•
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
