منو اشتاگلي؟،
بارت جديد طويل من
جنجح - دلع جناح 😂-
استمتعوا ولا تنسوني بتعليقاتكم الحلوة 🫀.
.......
فراس - 29 سنة.
......
فتح انور باب بيته راجع من شغله اخيراً بعد مداوم لساعة بسرعة حتى يروح يفض موضوع قاسم وموته هاي ويطمطم عليه بنفسه،
وباوع لتلفونه بعد معاف بصمة سيارته ومحفظته على الميني بار الي بالمطبخ.
صارت عشرة وربع والظاهر من هدوء البيت انه بعده تيم نايم فراح للغرفة ودخلها، يدنى للچرباية وعلى توقعه تيم غرگان بالنوم فهو گعد بصفه وانتچة بايده على الفراش ينحني شوية فوگ تيم بايس شفته بشكل سحي محاچيه بصوت هادئ وعميق حتى يگعده • تيم عيوني أگعد كافي نوم.•
• بس خمس دقايق.• بنعاس رد تيم وبعده مافتح عيونه فعض انور شفته يحاول مايضحك عليه مجاوبه • ماكو بعد خمس دقايق انتة مو تريد تشوف جماعتك؟، يلة گوم لتخليني اگومك گوة.• عبس تيم ملامحه فاتح عيونه گوة يباوع لوجه انور القريب منه.
• غلس عليهم ماريدهم نومتي اهم.• رد تيم ومبين عليه شگد نعسان منصدگ وصوته كل ماله ينصة وجفونه تنزل مبين انه حيرجع يغفى، يخلي انور يطگها ضحكة من كلامه موخر عنه الغطة حتى يخليه يگوم • انخوك غدرت بيهم عمود نومة ولك لعد اني شتسوي وياية؟ تغدر بية عمود مصاصة؟.•
• اووفف انور حباب بس انام بعد شوية!.• توسله تيم يرجع بالگوة يفتح عيونه، يندار على صفحته ناطي ظهره لانور الي رفع حاجب وهو يعرف الحل شنو وية كسل تيم هذا، فهو لزم چتفه وگلبه على ظهره وبشكل فاجئ تيم هو صعد فوگاه.
دفن انور وجهه برگبة تيم يبوسها وايديه صارت تغدغدغ تيم من خاصرته مخليه يعيط گبل يشهگ • لا انور!..• تلوة تيم جوة انور منكمش على روحه وتعالت ضحكاته تترس الغرفة يحاول ينهزم من ايدين انور يلي تغدغده وفوگاها بوساته لرگبته يلي تخليه يتحسس بالزايد.
• كـ..افي حبا..ب بطـ..ني حطگ!.• عاط تيم تعبان من دغدغة انور له ومگادر ياخذ نفسه زين من الضحك والخدر يلي صاب عضلاته ولا اكو فرصة ينهزم بيها من ضخامة انور وجسمه فوگاه.
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
