يا مرحبااا.
بارت طويل 8000 كلمة بلة
وين تلقون هيج دلال؟.
استمتعوا ولاتنسون تضيفون تعليقاتكم الحلوة 🫀.
......
ساعة دعش ونص بالليل.
دخل حاتم غرفة الاستجواب ووراه دخل المحقق المسؤل وساهر، سحب حاتم الكرسي وگعد عليه وگعد بصفه المحقق يبقى ساهر واگف بظهر حاتم عيونهم متثبته على ناصر، الي چان مقابيلهم وبينهم ميز يفصلهم عن بعض.
ابتسم ناصر وهو يباوع لوجوههم فعض حاتم باطن خده حاد نظراته عليه منزعج من هالابتسامة • على شنو تتبوسم؟ على صخام وجهك؟ انتة تدري شگد تنحكم على تجارتك بالمخدرات؟.• تحمحم ناصر شوية مثبت عيونه بكل جراءة وتحدي بنص عيون حاتم.
• سيدي ارجع واگولكم اني مواطن بريئ!، حالي حال الناس كافي خيري وشري فليش اخاف اتحاكم؟.• باستفزاز واضح شمر ناصر كلماته عليهم وابتسم حاتم بمغثة واضحة يعض شفته الجوانية وعيونه مانزلت عن ناصر، لدرجة حس ناصر ان نظراته لوحدها حتشگه من حدتها.
• غرد باحترامك عن كلشي ولا تلف وتدور وياية احسن ما امسح بحلگك گاع القسم!، ترة اني واحد روحي بخشمي بس اعطس تطلع!.• هدده حاتم يحذره لاخر مرة قبل مايفقد اخر ذرات صبره عليه ويطلع عصبيته كاملة يلي اساساً هو گوة لازمها.
• والله ماعندي شي اگوله بيكم خير الگوا ادلة تديني وبعدين تعالوا واجهوني!، واذا انتة مو گد شغلك سيدي استقيل احسن الناس مو شماعات تعلگ عليها تسختك!.• ختم ناصر جملته منحني اكثر على الميز ناحية حاتم يريح ايديه المتكلبچة على الميز، وبحركة سريعة سحب حاتم مسدسه وايد ناصر مثبتها على الميز ضارب اصابعه بگاعية المسدس بكل قوته.
• ااخخخ يالگواد يالسگط!!.• عاط ناصر بوجع مكشر ملامحه بسبب الضربة يلي خلت كامل ايده ترجف يحس باصابيعه انمردت، فابتسم حاتم بالمقابل يجر ياخة ناصر حتى يرفع راسه له وطلع چياسة زغيرة من جيبها حطها على الميز گدام عيون ناصر يلي احمرت.
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
