جَنّاح

Part 12

لاتنسون الكومنتز بين الفقرات ✨.

بما اني لاحظت بعض التشوش
لكم بخصوص ثنائيات القصة.

ناصر + بسام + مهيمن.
جبل + حاتم.
تيم + انور.
سهم + ادم.
هيثم + فراس.
هديل + ارون ( ظهوره بالاحداث الجاية).

.....

كلشي بية يذوب من نظرة عيونك،
وتروحلك الروح فدوة انتة وعيونك!.

.....

• هاي شصاير بحالك انتة؟.• سأل ناصر متخصر بوگفته وهو يباوع لجبل الي واگف بصعوبة ودوخة مسيطرة على راسه، يلزم ايده اليمنة يلي بعدها تذب دم وضاغط عليها كمحاولة بدون فايدة منه انه يمنع دمه ينسفك اكثر من هيچ.

• حصروني..الامن حصرة..الچلب..بالجامع يعني شصاير؟، گوة انهزمت..وواضح چانوا يدرون ترة عندنا تسليم!.• بصوت مبحوح وتعبان جواب جبل على سوال ناصر الي شافه حيل غبي والثاني لوة حلگه رافع ايده وفارك على گصته بمغثة.

• هذولا المناويچ صايريلنا مثل العير بالكس!، هسة صارولي محبين لزراب الوطن وگاعدين على حلوگنا، من گد ما ينلزمون الي قبلك انجبرت اعوف هالشغلة الاشهر الراحت!.• كمل ناصر كلامه يزجر بعصبية من ملاحقة الجهات الامنية الهم.

شارح له عن كونه وگف شغله بسبب المطاردة الامنية لتجار المخدرات من بداية السنة لحد منتصفها، بسبب ان اغلب العمال جوة ايده ينلزمون وينسحلون جوة ايد الشرطة، حتى لايجيه الدور ويوصلون له ويسحلونه همين.

• هو اني ليش دخلتك بهالشغلة لعد؟، گلبك ميت ونغل صدگت لما گلت موهبتك الهزمة.• ابتسم ناصر صفح يمدحه باعجاب رافع عيونه لوجه جبل الي يسحب انفاس بطيئة وملامحه ذبلت.

• تعال اگعد خلي نشوف حل بأيدك.• باوع ناصر لايد جبل حاط چفه على چتف جبل يسحبه ويگعده على القنفة بنص المكتب، فرفع له جبل راسه بين مايتچي ظهره على القنفة.