شباب، شفيئ يحبكم تدرون لوماتدرون؟.
بارت 1000 كلمة مثل ما وعدتكم استمتعوا،
واي علسة طنشوها ولاتبخلوا علية بتعليقاتكم الحلوة 🫀.
......
فتح جبل جفونه اخيراً گاعد من نومته بصعوبة وخمول علگد مصارت ثگيلة وعميقة وهالشي استغربه لانه مافد يوم چانت نومته بهالثگل او على الاقل حيفز اكثر من مرة ويرجع يكمل نوم بكل اعتيادية على هالشي.
وگابله وجه حاتم اول مافتح عينه نايم بعگدة بين حواجبه خلت جبل يبتسم صفح يدردم عليه بهمس ناصي • حتى من نايم متعصب، شون نفسية.• هو حرك جسمه علكيف وشاف انه حاتم بعده محاوطه بأيده فحاول يرفعها بهدوء حتى يگوم من يمه.
• بيش الساعة؟.• نز جبل اول ماسمع صوت حاتم الثخين والمبحوح من نومته وتعب، فبلع جبل ريگه على هالخرعة وماتوقعه گاعد يسأله بهبطة خاف يكون سمعه شگال قبل ثواني • انتة گاعد من قبل؟..•
چكچك حاتم شفايفه يفتح نص عين مباوع لجبل يسحب نفس ثگيل • هسة حسيت بحركتك وگعدت..• همهم جبل على رده هذا ودار جسمه يسحب تلفونه من فوگ الطبلة الزغيرة بصف الچرباية يشوف ساعة بيش وتلفونه مابيه شحن هواية فرد على حاتم • ثمانية ونص.•
• ارجع نام بعد وكت على الگعدة.• رد حاتم بنعاس واضح يرجع يغمض عيونه واعترض جبل على كلامه • لازم نگوم خلي يجي الدكتور يفحصك واكيد هسة شوية ويجي انور والباقين وخاف..• سكت جبل بنص جملته لما استوعب يلي چان حيگوله ورجع حاتم يفتح عيونه مثبتها على ملامح جبل الي بعدن متمدد بصفه يسأله بحيرة • خاف شنو؟.•
• مو مهم اذا نعسان انتة ابقى نايم.• غلس جبل على الي حيگوله وهو كل قصده انه مايريد احد يشوفه نايم بصف حاتم لان يدري هديل وتيم حياكلون گلبه ويظلون يطلعون افلام من راسهم.
فنفخ حاتم بنعاس وهو بالحقيقة منام زين لان جبل هواية تگلب بنومته بس ماراد يگعده ويخليه ينام برة لو على الكرسي لان هالشي حيأذي جسمه • بشنو تتحلم وانتة نايم؟.• سأل حاتم بفضول مگادر يمنعه لانه حس انه جبل يتگلب بسبب احلامه فرمش جبل يباوع لعيون حاتم وبنوع من الشك سأله • ما اذكر حلمت بشي..لاتگولي تگلبت بنومتي؟!.•
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
