100 فوت + 950 كومنت = بارت جديد،
بارت طويل كالعادة استمتعوا غيومي ☁️.
......
اليوم الثاني، ساعة بثمانية.
وگف هيثم گدام البراد مال المي بالمطبخ يشرب مي يفرك بعيونه يحاول يطرد النوم واثاره من عيونه هستوه گاعد قبل الكل، وبس خلص ورفعه لحلگه يريد يشرب رجف جسمه ينز بس حس بشخص واگف وراه، يفلت الگلاص من ايده واگع بالگاع متفتت ومنكسر.
• اسم الله، خوما تأذيت؟!.• سأل فراس يلزم خصر هيثم ساحبة ناحيته عن الگزاز المطشر بالگاع، وبلع هيثم ريگه بهبطة يرفع راسه لفراس القريب منه حيل وصدره ملزوگ بظهر هيثم ينتر بيه بنبرة واضح عليها الخرعة • ترة وگعت گلبي بطيزي!، شكو جايني هيچ عبالك جني!.•
ابتسم فراس يعاتبه بنية الشقة • همين حاصلك تشوف جني بنفس جمالي؟!.• عقچ هيثم ملامح وجهه يباوع لفراس من الطول للطول وبس انتبه للطشته وقربه عليه هو دفعه عنه يرد بمغثة • دوخر عني لاتلطش!، ماحب احد غريب يتقربلي زايد!.•
• غريب؟، شون غريب هو مو هسة المفروض اني حبيبك؟!.• سأل فراس رافع حاجب يحط ايديه بجيوبه، ففلت وجه هيثم على كلامه موسع عيونه وفتح حلگه علخفيف يرد السؤال بسؤال • نعم؟؟؟، منين جبت هاللغوة من طيزك؟!.•
ضرب فراس باطن خده بلسانه ورجع هيثم لنفس اسلوبه الناشف بالكلام مع هالشي هو وضح قصده لهيثم • مو گلت بلسانك لما يخلص كلشي بخير نفس ما اني طمنتك تنطيني وجه؟!، شنو معنى هالكلام اذا مو معناه حنكون حبايب ها ليمونة؟!.•
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
