شفيق الحبار هنا مجدداً 👋🏻.
هاي حزب سلطع؟، ناويين تستمرون بالخنسة؟ 🐙.
هاي دوم الكل ضد نجاحي خصوصاً سلطع 😔.
......
چانت النية بس اعرفك،
وماحب كلشي يخصك،
تالي حبيت حتى محلتك وناسك وعطرك.
......
رفع ناصر حاجب لكلام جبل الي طخ باذنه وسحب جگارة من باكيته يدخنها بين ما يستنقص منه • هاي منين جبت هالكلاوات؟، وعبالك اني زوج مثلاً وارضى؟.• وعلى عكس استهزاء ناصر چان بسام گاعد بهدوء يسمع الكلام بعد ما انتچى على القنفة وهو يعرف بالضبط بخطة جبل الي حچاها له بوقت سابق.
چكچك جبل شفايفه يبتسم صفح، يرفع عيونه الحادة والواسعة بعيون ناصر الي تنطيه نظرات ملانة • حشاك، بس انتة مجبور والله ترضى هالعرض.• حك ناصر حاجبه بابهامه وثواني وگام على حيله يدنى لجبل بكل برود.
• مجبور؟، شنو بلة يلي يجبرني؟، قراقوز مثلك؟.• سأل ناصر ينفخ كل دخان جگارته بوجه جبل بعد موگف گدامه وصارت وجههم شبه متلازگة وبعدها ابتسامة جبل الواثقة ما انمحت.
• اي تصدگ؟ اني اجبرك، لان حقك الباطل هذا ماتگدر تاخذه غير مني اني!، هيثم وهديل بح راحو.• جاوبه جبل بنبرة لعوبة مستفزة وعقد ناصر حواجبه واول ماطخت ضحكة بسام الخفيفة باذنه هو وجه نظرات حادة للثاني وبحركة مباغته هو سحب ياخة جبل وضرب صدروهم ببعض وبدأت عصبيته تبين بشكل جدي.
• شدتمضرط؟ شكلك تريد تدنگ ويناچ عرضك اليوم.• تهديد ناصر ماهز شعرة وحدة من جبل الي هاهية مدام هو هزم هيثم وهديل وسهم ويضمن انه ناصر مايوصل الهم، بعد ماكو شي يخوفه، لانه مايكسر عينه ورگبته غيرهم ماكو شي يهمه ويعتبر نقطة ضعف اله غيرهم لانه دوم اعتبرهم اهله الي الله رزقه بيهم تعويض عن اهله الحقيقين.
• مثل ما تسمع هديل وهيثم انهزموا، انتة ماتعرفنا ترة موهبتنا الهزمة على ساعة!، فعمود هيچ اگولك نسوي هالعقد بيننا واني اعوضك لو بكيفك تريد ينشلع گلبك وتدور وراهم جرب انتة وحظك.• هز جبل چتوفه بدون ذرة اهتمام وحدة بكلامه وعصر ناصر ياخته اكثر بايده لدرجة حس جبل بشوية خنگة.
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
