جَنّاح

Part 37

رجعت اخيراً، وانحلت سالفة الواتباد العار،
بس هاهية ححاول ماتعطل بعد عليكم
وهمين هالبارت طويل 13000
تعويض للغياب شتردون بعد اكثر؟؟.

وارجع واكول ياريت الخانسين يطلع الهم شوية حس
مو بس لما يتأخر البارت اشوف وجوههم لاول مرة
ويگولولي وين البارت واني ماتاخرت بيه غير عمود
مشاكل الحساب، ياريتهم همة المتفاعلين ويسألوني
لا انوب كلشي ماكو منهم ويطلبون بارت مع انه
هذا حق المتفاعلين بس!! لان همة التعبوا ونفذوا
الشروط ولاتحجولي بالفوت هذا مابيه اي تعب هي
زر وضغطتوه اني اعز الي يتعبون روحهم بالتعليقات.

150 فوت + 950 كومنت = بارت جديد.
استمتعوا واي علسة غلسوا عليها.

.....

فتح بسام عيونه بخمول، يستقبله سگف غرفة المستشفى والمغذي المتعلگ لأيده، اول فكرة جتي بباله بس عرف المكان الموجود بيه، هي اني ليش بعدني عايش؟..

يحس بثگل جهة ايده اليسرة فحرك راسه توگع عيونه على جسم مهيمن بصفه الحاط راسه على چفه محتضنه بين ايديه، مثل الطفل الخايف يضيع امه اذا فلت چفها چان خايف مهيمن يعوف چف بسام، يصفن بيه بسام لمدة ثواني بعيون منطفية بشكل كامل يحاول يسحب چفه الخدران من مهيمن بدون ميگعده.

بس اول ماجرها علكيفه نز جسم مهيمن گاعد من نومته، وچان من البارحة ينتظر اللحظة اليگعد بيها بسام، ماغفى غير قبل ساعات قليلة من كثر تعبه، يرفع راسه يعصر چف بسام بين ايديه اكثر مراضي يهده يحچي بنبرة خوف وقلق • بعد حيلي بسام گعدت اخيراً، اكو شي يوجعك حبيبي؟ شدتحس تريد اصيحلك الدكتور؟!.•

مارد بسام يوخر عيونه ليغاد عن مهيمن، يحاول يرفع جسمه عن الچرباية ورأساً ساعده مهيمن بهالشي رافعله المخدة ورة ظهره، ففلت بسام چفه من چف مهيمن يلي هدلت چتوفه مثبت عيونه على ملامحه الباهتة والتعبانة، يحاچيه بنبرة ناصية لينة • بسام باوعلي..• مرة ثانية عامله بسام على اساس انه ما موجود، يرمش صافن بزاوية غرفة المستشفى ومايرد يكرر مهيمن كلامه بتوسل • بسام اروحلك فدوة باوعلي!..•

ثواني مرت غمض بيه عيونه بتعب ينفخ نفس مهزوز قبل مايدير وجهه لمهيمن مباوعله بدون ميحچي، يرجع مهيمن يسحب چف ايده يسأله بنبرة عتاب • ليش هيچ سويت؟..شون رخصت عليك روحك لهدرجة؟.. اذا مو عمود روحك فشون رخص گلبي عندك؟، شون تسوي هيچ بنفسك وانتة تدري اني ماتحمل فراگك؟..•