مساءكم شفيق 😌،
100 فوت + 950 تعليق = بارت جديد.
استمتعوا 🫀.
اي غلطة غلسوا عليها.
.......
وسع مهيمن عيونه يحس گلبه ينعصر بوجع، صافن بوجه بسام ممصدگ انه ديطلب منه هيچ طلب، بهيچ وكت وبهيچ ظرف، يسأله بصوت مبحوح من الغصة يلي خنگته • شنو؟..شنو نعوف بعض؟..•
عصر بسام چفوفه وهنة بحضنه، يرفع عيونه المدمعة لمهيمن بنظرات منكسرة، يجاوبه بنفس النبرة المهزوزة • نفس ماسمعت..الاحسن الك انو نعوف بعض..• احمرت عيون مهيمن تحتقن ملامحه علگد القهر يلي ديحس بيه وهو يسمع هالحچي يسأل بسام مستنكر تفكيره • شون احسن الي؟!!، انتة شمعرفك شنو الاحسن الي؟!.•
بلع بسام ريگه يحاول يكتم كل حرگة گلبه وقهرته، يحاچيه بصوت ناصي يحاول يفهمه سبب طلبه انهم يعوفون بعض • لأن من البداية چان ممنوع علية اني ارتبط بيك..چنت ادري اني راح أأذيك.. وهسة باع شصار بيك من وراية.. اني ما افيدك اذا ابقى بحياتك راح تدمر..•
• چنت اناني وفكرت انه ممكن اصير سعيد وياك..ومراح اسامح روحي لان هالانانية دمرتك..• كمل بسام بصوت متحشرج يحاول يمنع نفسه من أنه يبچي، فبتسم مهيمن يصفح يحس بدمه يفور ويغلي من عصبيته والوجع يلي سيطر على صدره، كلام بسام چان مثل السم يلي ينصب على جروحه.
• خو گول انه اني بعد مافيدك مو؟!.• استهزئ مهيمن ببسام، فعگد بسام حواجبه بحيرة ما فاهم قصد مهيمن يلي كمل بحرگة گلب ونبرة حادة • لتگعد تبرر لروحك!، احچيها بوجهي انتة متريدني لان بعد مافيدك! مصلحتك خربت وياية مو؟!، هسة بعد متريد مهيمن لأن أنشليت!، لتاخذني حجة علبوا تريد راحتي وفايدتي وانه ضميرك يأنبك! احچيها بوجهي وكافي عاد تستغفلني لأن أحبك!.•
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
