لقد عدنا، بارت 8530 كلمة،
80 فوت + 800 تعليق = بارت جديد.
استمتعوا.
.......
تغوشت الرؤية على بسام تفيض الدموع بعيونه كل جسمه يرجف ومهدود حيله ووگفت حركة ناصر بداخله مخلص اعتداءه عليه گدام عيون مهيمن، يلي صدمته متقل شي عن صدمة بسام بكلام ناصر عن أهله..، اهله يلي هسة استوعب انه محد حرمه منهم غير ناصر، مچان يعرف شي عنهم او شون امه ماتت وأبوه ليش انتحر، يسأل ناصر اكثر من مرة بس مايجاوبه.
• اني مراح اخسرك مثل صيف!، حتبقى الي ولا هذا الحيوان ولا اي بشر ياخذك مني!، اصلاً هي بس هالتلث أيام واخلص تزوير جوازات سفر وهويات الي والك، حنسافر وبعد محد يوصل النا!.• كمل ناصر كلامه بعدما سد بنطرونه يمسح دموع بسام يلي بللت كل وجهه وحتى صوته مگام يطلع من غصته يلي خنگته وتعبه النفسي قبل الجسدي.
• چـ..ان المفر-..وظ أكتلـ..ك من زمان..• بحقد وكره حچى بسام بصعوبة يعض شفته بقوة حاط عيونه المحمرة مثل الجمر بعيون ناصر الحادة والباردة، فأبتسم ناصر صفح لدرجة بينت سنونه يهز راسه لبسام متفق وياه • يمكن چان احسن لو انتة كتلتني او صيف كتلني بدل مايكتل روحه، بس انتو الاثنين تشابهون بضعفكم! انتو جبناء وضعيفين تعرفون بس تستغلون الغير وتمثلون دور المساكين!.•
• ربي ينتقم منك!، انتة شيطان مو بشر واحد گواد وأناني!، انتة متعرف تحب احد حتى روحك متحبها! انتة مريض وخبل مكانك بالشماعية!.• بقهر وحرگة گلب دعى انفجر بسام بوجه ناصر عايط بيه يرفس برجليه جوة ناصر ويدفعه يريد يوخره عنه مطايق انه الثاني يگيسه بأي شكل.
وخر ناصر عن بسام يگوم ببرود عنه وحط عينه على مهيمن، يلي احتقنت ملامحه أكثر من گد عصبيته وضوجته فوگ وجعه وتعبه من ضربة السچينة بظهره وللأن هو ينزف ببطئ، زادت أذيته على بسام ميدري اذا يلومه لو يشفق عليه؟، يلومه لانه مگاله عن علاقته بناصر وچذبه وصلهم لهالوضع؟ لو يشفق عليه وعلى الحياة يلي عاشها ويه ناصر خسارته لاهله من وراه ومن ورة حبه المريض؟.
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
