100 فوت + 800 كومنت = بارت جديد.
استمتعوا غيومي ☁️.
.......
منقطة الشعلة.
انسدت مداخل ومخارج المنطقة بسيارات القوات الخاصة السودة وضباطها، وطبگ حاتم سيارة المصفحة التابعة للمديرية گدام ذاك البيت الچبير يلي مبين مهجور ولحگته مصفحة من مصفحات القوات الخاصة توگف وراه تطبگ بعدهم سيارة اسعاف، مطفين اضوية السيارات واصواتها عن عمد حتى لايبينون جيتهم لناصر ويخليه هالشي يگدر يهرب منهم.
ينزلون افراد الفرقة ببدلتهم السودة وواقيات الرصاص يلي لابسيها فوگ ملابسهم مغطين وجهم ولابسين خوذة فولاذية على روسهم، يحاصر بعضهم حدود البيت من گدام ومن ورة وبعضهم تقدم للباب.
سبقهم حاتم بأستعجال ووياه ساهر همين وبعض ضباط فريقه، يضرب الباب الخارجية المنتهية برجله موگعها بدون مجهود چبير، واول مادخلوا وگعت عيون ساهر على السيارة المركونة بالطارمة يحاچي حاتم بهدوء • سيدي، هاي سيارة ابن المدعي العام مهيمن موجودة، معناها العنوان صحيح.•
• تقدموا.• رد حاتم بنرفزة بعد ما شمر نظرة ناحية رقم السيارة يتأكدون منه انها راجعة لمهيمن، يتقدمون بحذر للبيت ووخر حاتم عن الطريق منطي مجال لضابط ثاني من ضباط القوات الخاصة يتقدم، ضارب الباب چم مرة بچتفه وصفحة جسمه بنية كسرها.
داخل البيت ناصر وتوفيق يلي چانوا گاعدين بالغرفة على الگاع ياكلون من الاكل يلي طلبوه، وصلهم صوت كسر الباب الخارجية وهبدتها بالگاع ، فعافوا الاكل يگوم ناصر يوخر البردة عن الشباك شوية يگز على سنونه بانفعال اول مالمح افراد فرقة القوات محاوطة البيت • توفيق بسرعة ناوشني المسدس!.•
• خربيومهم اندلونا!! ولك شون هسة اذا الزمنا بعد نحلم نطلع من السجن!!.• توفيق شهگ يحچي بخوفة وهو بعده گاعد بمكانه بالگاع متصنم، لأنه بالعادة ماله بهيچ شغل ويبقي كل شغله بالتخفي وامور التهكير، ماتوقع انه افراد الجيش يندلوهم همين قبل ماناصر يخلص الجوازات والهويات المزورة ويسافر، ولأن توفيق سووة كلشي يگدر عليه حتى يمنع تتبعهم لو معرفة مكانهم.
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
