استمتعوا حبايبي 🤍.
ملاحظات بسيطة لفهم اللهجة، اي كلمة تشوفون فيها حرف گ فهذا بدل القاف لان لفظ القاف بالعراقي ثقيل.
كلمة چان- كان، كلمة انچب - اسكت، كلمة يحچي - يتكلم، كلمة خنسة - بالسر، كلمة شوگت - متى، كلمة هالگد- هالقد، كلمة شگد- كم.
واي كلمة غير مفهومة علقوا عليها بشرح المعنى، بس اني اغير اللهجة لو احرفها ماقدر عاجبني اكتب بلهجتي الاصلية مثل ماهية.
......
بعد مرور اسبوع.
العرگ ترس گصته يتگلب بنومته تطلع منه تنهيدات ثگيلة بين ما يطبگ رجليه على بعضها، بسبب الحلم يلي يراوده والي شوية وفتح عينه فاز منه يتنفس بخدر، تالي رفع الغطة يباوع بين رجليه وعض شفته بقوة يگوم على حيله يروح للحمام بهدوء وخنسة يحاول مايگعد البقية او يحسون عليه.
فتح الباب طالع من السرداب وراح للباب الي يقابل باب السرداب يدخله ويسده وراه بسرعة، اخذ مدة طويلة جوة الحمام واول ما طلع وشافها واگفة مقابيل الباب ارتعش جسمه وعاط • يمةة.• لزم گلبه وهو يرجع تلث خطوات لورة من الخرعة يحس بگلبه حيطلع من مكانه فاتح عيونه على كبرها يباوع لوجهها • يمعودة قطعتي لي الخلف هاي اشبيچ هيچ واگفة چنچ جني.•
• هسة عاد شون خلفة خطية عمود تزعل عليها لو انقطعت، انت يلي شعندك چنت تون بنومتك وصارلك ساعة بالتواليت حبول على روحي وانت مطالع.• رزلته هديل بمغثة لانها اول شي گعدت من نومتها العزيزة بسببه ثاني شي انتظرت كومة لحتى يطلع وبسرعة عتت زيجه توخره من گدام الباب وتطب فتنهد تيم وهو بعده يفرك بصدره • الواحد ما ياخذ راحته حتى بالگبر خرا بهالحالة.•
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
