جَنّاح

Part 32

اعتبر نفذت الوعد حتى لو الساعة بثنعش؟،
بارت 6000 كلمة مخصص لحاتم وجبل بس،
دللوني بالتعليقات وهيچ ترة طلعت روحي 🥸،
100 فوت + 950 كومنت بارت جديد 🫀،
استمتعوا واي علسة غلسوا عليها.

......

طلع حاتم من الحمام لاف الخاولي على خصره، والخاولي الثاني يحرك بيه شعره ينشفه بسرعة يسحب نفس ثگيل منتعش ورة الغسل، دخل حاتم للهول قبل ميروح للغرفة يبدل يريد يشرب مي فرفع حاجب اول مشاف انه جبل ماهوة، يرمش مستغرب يمد راسه للمطبخ يشوف اذا موجود بيه، بس ماكو يروح يشرب گلاص المي متخصر يباوع ناحية الدرج يمكن صعد لغرفته؟..

راح حاتم يدخل لغرفته يلبس بجامة رياضية على السريع وفالينة سودة، يصعد بعدها الدرج يتقرب لغرفة جبل داگ الباب يسأله بنبرة لينة • خاتون انتة جوة؟.• نز جبل من جوة الغرفة بس سمع صوت حاتم يعض شفته بقوة گاعد بالگاع متچي ظهره على الچرباية يجر النفس بصعوبة وثگل يحمر وجهه مباوع بين رجليه جسمه يرجف ومديدري شصارله فجاءة.

چان زين بس بعد خمش دقايق من بلع الحباية انگلب حاله، حرارة قوية صارت بجسمه بالبداية وصدره ومعدته زاد وجعهم، بس بعدها داخ وانتصب بشكل قوي ويوجع يتشوش نظره عليه مگادر يركز ولا يجمع افكاره، مشكلته معارف يتصرف هسة لانه بالحالات القديمة، لما چان ينتصب بين فترة وفترة يفضها بالحمام ويخلص ويروح، بس هسة؟..

مگادر حتى يلزم روحه ويخلصها لان الوجع ديزيد عليه وحيل يأذيه بس يحط ايده على عيره، يطبگ رجليه ضام راسه بيناتهن مغمض عيونه بقوة الحل انه يتحمل اكيد شوية وحيهدأ من وحده، المهم هسة يتجنب حاتم مستحي منه شون اذا شافه هيچ؟.

حط حاتم ايده على الباب يحاول يفتحها لما ما اجاه اي رد بس لگاها مقفولة، يعگد حواجبه بقلق وخوف عليه يرجع يدگ الباب محاچيه بصوت اعلى • جبل!! افتح الباب دتسمعني؟ بيك شي؟ شكو قافل الباب على روحك؟!.• بلع جبل ريگه تدمع عيونه يحاچيه بصوت مهزوز ومتحشرج بالگوة يحچي • ما..كو شي! عو..فني وحـ-دي.•

• هو شنو الي عوفني وحدي؟ اذا مابيك شي شكو حابس روحك مو گلت تريد اكل وجوعان! دفتح الباب لا تخوفني عليك.• حاچاه حاتم بنبرة قلقانة مديفتهم اشبيه، وهو اليوم كله مابيه اي مشكلة وچان وضعهم هادي من بعد عركتهم البارحة وتفاهمهم شوية، يعني هو يدري مزاج جبل حيتگلب بتأثير الادمان بس هسة حتى مصار شي يخلي مزاجه يتغير بهالشكل لدرجة يحبس روحه.