ها ولكم شو هبط تفاعلكم البارت
الراح 🌚، شنو تستحون تعلقون؟ 😂،
حاتم يقولكم صلاوات.
وتنبيه مهم بخصوص السب والفشار بالرواية،
الرواية تصنيفها متنوع، يعني هي دراما على كوميديا
على يوميات على انحراف على رومانسي هيچ،
فهو الغلط والسب بيها عامل للكوميديا وبس والله
قلت انبه حتى شنو نتجنب سوء الفهم.
المهم استمتعوا بهذا البارت، وتجاهلوا الاخطاء
الاملائية والعلسات، ولاتنسوني بتعليقاتكم 🫀.
......
• ادم!، انتة شمسوي لسهم ها؟.• وفاء الي رجعت البارحة بالليل هي وعبدالجبار بعد ما خلصت سالفة ولادة اختها يلي طول الاهتمام بيها اكثر من المتوقع، وگفت بغرفة ادم الي گاعد متمدد بچربايته ومركز بتلفونه.
• شمسوي ما مسوي شي؟..• رد ادم بعد مابلع ريگه ورفع عيونه عن تلفونه يسأل تمه شقصدها وهي تخصرت تضيگ عيونها عليه ما مقتنعة بجوابه.
• لعد اشبيه البارحة من اجينا وجهه چان مخطوف وگوة حاجاني اني وعبدالجبار وبعدين طفر لغرفته وهسة اليوم همين ماطلع يتريگ الا سالني انتة رحت للكلية لولا وگاعد صافن الريوگ كله احاچيه يرد بحچاية وحدة مو يم الموضوع يلي احچي بيه اصلاً!.• هي حچت الاحداث يلي خلتها تشك بادم انه مسوي حاجة لسهم والثاني غالباً خايف يگوللها لان هي اكيد تدري بابنها مخوفه ومسكته.
• شمدريني بيه اني وبنفسيته؟!، والله حلوة تجيني التهايم واني نايم!.• نكر ادم مكشر ملامحه بوجهها وهي لوت شفايفها وتدنت ناحيته بانفعال تلزم شحمة اذنه وتجرها مخليته يطفر بگعدته يعيط بوجع متوسل بيها • ايي اي لا لا حبابة عوفي اذاني!.•
• اسمع لك اذا ادري بيك غاثه بحچاية وحدة والله وعزته وجلالته ابيتك برة البيت، سهمي ابني اعز منك ولا عبالك اشاقة!.• هددته بنبرة حازمة وهو بسرعة هز راسه بطاعة الها بس يريدها تعوف اذانه وهي هدته تتچتف بعدين وتگصه بنظراتها من الطول للطول.
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
