استمتعوا ولاتنسون تونسوني بتعليقاتكم الحلوة.
والمفروض انزله البارحة ادري،
بس شباب فترة مراجعة عندي للامتحانات فشنو؟
حيصير التحديث كل يومين.
ملاحظة : البارت الثاني مقطع السمت المذكور، الشخصيات وقتها هم ناصر وبسام، عمود اوقف الحيرة، اربطوا الاحداث ليش تفشلوني وانا اسوي غموض واثارة؟.
......
• مو گلت اعجابك بس شهوة؟.• تيم سأل مديگدر يفهم انور وكلامه يلي يتغير، فلزم انور خصر تيم بقوة يگوم على حيله رافعه بحضنه، مخلي تيم يشهگ شابگ رگبة انور حتى لا يوگع متفاجئ بگومته وشيله له بدون تنبيه.
• خلينا نحچي بهالموضوع بعدين، اول شي عندي حچي وية قاسم.• مشى انور وهو رافع تيم الي چان وجهه يم رگبة انور، گادر يشم ريحته القوية بس حلوة وتدوخ شوية من قوتها، فوخر وجهه شوية وصار قريب حيل لوجه انور الي حط عيونه بعيون تيم.
• چا ليش صاعد ليفوگ؟.• سأل تيم مرة ثانية وابتسم انور وهو يصعد اخر باية بالدرج يتأمل عيون تيم بنظرة دافية وشبه خاملة يجاوبه بهدوء • نلعب طوبة جوة!.•
• احب الطوبة.• ابتسم تيم وهو يدري انه قصد انور مو يم الطوبة يخلي الثاني يضحك بصوت ناصي رافع حاجب وهو يدخل للغرفة ويدفع بابها برجليه سادها.
• انخوك شكلك ولك ضاحك علي ومو فقيرون!.• بنبرة شك سأل انور لانه يدري كلش زين تيم فهم مقصده من جوابه هذا، فعض تيم شفته كحركة عفوية بس بالنسبة لانور هي حركة حيل مغرية يجاوبه مبرر خوفه • ترة اني وهديل ابد مو فقرة، بس هي هالمواضيع تخوف لما تصير صدگ.•
وخر انور عيونه عن شفايف تيم يرفعها لوجهه وعيونه الي كل ماخذه عقله بهالخضار، يگعد على الچرباية وبعده مانزل تيم من حضنه يسأله • شكلك تحبها لهديل حيل، شگد عمرها هي؟.• اتسعت ابتسامة تيم لدرجة ظهور سنونه وتقوس عيونه تختفي بشكل جزئي لما يبتسم.
• هديل صايرة بمكان امي، بس عمرها 17 مثلي.• ضحك انور على كلام تيم ونوع العلاقة بينه وبين هديل، عنده فضول يسمع اكثر من تيم والبقية بس رجع نبص تيم فجاءة ماينطيه مجال للكلام عاقچ ملامحه على انور • وانتة شنو؟ مناوي تگولي اي شي عنك؟ بس باقي تعرف لون لباسي شنو وانتة محاچي شي يخصك؟!.•
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
