جَنّاح

Part 7

النفسية حيل مفتوگة ✨.

.....

• شـ..شنو؟.• هالكلمة الوحيدة الي گدر تيم ينطقها بعد ماطخ كلام ناصر باذنه وفسره له عقله، عيونه توسعت يبان خضارها اكثر واكثر وشفايفه رجفت مثل الحال مع كل جسمه، عيونه تتنقل بين وجه ناصر ساعة وساعة قاسم.

• مثل ماسمعت، حتجي وياية لاني اشتريتك.• قاسم كرر يوضح له هالنقطة وبسرعة نفى تيم براسه ينتر بيهم • لا!!..شنو هالمضرطة ماروح!.• گام تيم على حيله يريد ينهزم وبسرعة ناصر وگف يلزم زنده ويعته له ينضرب تيم بصدره ويرفع راسه له حتى يباوع لوجهه بسبب فرق الطول الشاسع بينهم.

• اسمع گواد كلمتي متصير اثنين ومو بكيفك السالفة تروح لا اكسرلك رجليك الاثنين واحطهن بحضنك وانطيك اله!، مو لان ضحكت بوجهك انت والقنادر البرة عبالكم يعني خوش ادمي حتى ابليس يرجف اذا سمع اسمي تستوعب لو لا؟.• بنبرة قاسية وجافة غليظة نطق ناصر كلماته يباوع لتيم وملامحه المرعوبة بشكل واضح بتهديده.

گام قاسم على حيله متدني ناحية تيم يرفع ايده ويحطها على خده يمسح عليه بابهامه يحچي بخبث واضح • لاتخاف ترة حنشتغل اني وياك شغل حلو ويعجبك حيل!.• زادت رجفة تيم وبس هده ناصر رجع قاسم يلزم زنده ويجره وراه.

• لا ماروح!...وخر عوفني ابن الگحبة!.• رجع تيم يقاومه بس رجع وعيه له ويدفعه عنه يحاول يفلت ايده منه بس الثاني چان قابض عليها بكل قوته يمنعه وبلحظة مفاجئة واسرع من رمشة العين قاسم رفع ايده وضربه راچدي يفر وجهه لجهة الثانية يسكته ويسكن حركته العشوائية بين ما الذهول باين على ملامح الازغر.

• أكل عير والصم حلگك احسن ما خليك تزوع عظامك هسة!، امشي مثل الاوادم ولاتخليني اسحلك سحل واطلعك.• بحدة وبرود نطق قاسم كلامه يهدد بيه وتجمعت الدموع بعيون تيم الي مايگدر عقله يتصرف بشكل سليم بمثل هالموقف وبسرعة ناصر تدخل وسحب شعر تيم من وره يديره له مرة ثانية.