حيل احس بالخجل منكم لان تعطلت بالنشر،
بس النت غدرني وانگطع گطعة بت چلب من ساعة
عشرة البارحة لحد هسة يلة تصلح! لدرجة تعاركنا وية ابو النت،
لان نخابره يكول حنصلحه ومديصلحه! وصار بيها عشيرتي
وعشيرتك وانوب دورنا غيره يجي يركب النت وهاي ساعة ديسويه،
والا البارت جاهز من البارحة واني لو ما اريد انشر وااجل
اجي اكولكم ماخليكم تنتظروني، جدياً اعتذر منكم ♥️.
بس وعد هاي اخر مرة اتعطل بيها بالبارت لهدرجة،
ورجعتلكم ببارت طويل يعوضكم 12000 كلمة،
150 فوت + 950 كومنت = بارت جديد،
اي علسة غلسوا عليها بدون ماوصي 🥸.
.......
دفع حاتم باب غرفة جبل يلي چانت بس مردودة بسبب قفلها المسكور، يطب للغرفة مدني لچربايته لأن الساعة صارت بالوحدة وهو بعده ماگعد، يگعد حاتم بصفه بقلق مستغرب لأنه مايطول بالنوم لهدرجة يحط ايده على خصر جبل النايم على صفحته ضاغط عليه يرفع چفه الثانية لشعره المفتوح، ماسح على نعومته يوخره عن وجهه محاچيه بنبرة لينة • خاتون..جبل اگعد عيني مكافي نوم؟.•
ماأثر كلام حاتم بجبل يشوفه غافي بثگل يتنفس بهدوء مايحس بشي حواليه، فأبتسم حاتم مستلطف شكله متأمل هدوئه وهو نايم يلف خصل شعره بين اصابعه لاعب بيه، ينتبه على انه اكو شعر تحول لونه للابيض بباطن سواد شعره يخليه يسحب نفس ثگيل منزل راسه اله يبوس شعره وراسع يسحب يشم ريحته حافظها بداخل صدره لحتى ينتعش بيها.
فوخر شوية ينزل راسه لخد جبل يبوسه بوسة ناعمة، قبل ما ينزل چفه من شعر جبل لحنچه يلزمه رافع راسه اله يثبت عيونه على شفايفه مايگدر يقاوم انه ما يبوگ منهم بوسة زغيرة، ينزل راسه مرة لخ اله يحط شفته فوگ شفايف جبل يسحبهن علكيف بين مالته، تنهز جفون جبل متحسس من شواربه ولحيته التگرصه، يفتح عيونه وية مطلع حاتم لسانه يلطع بيه شفايفه.
نز جبل بس استوعب الوضع يرفع چفوفه لصدره حاتم يدفعه عنه يعگد حواجبه مباوعله بعيون ضيگة بعده نظره مو صافي من نومه • انتة شدسوي من الصبح!.• ابتسم حاتم صفح يحط چفه فوگ چف جبل يرفعه اله بايس باطن ايده يحاچيه • ياصبح خاتون؟ الساعة بالوحدة عيوني وبعدك نايم جيت اگعدك!.•
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
