ها مشتاقين؟ 🥸،
بارت 10000 كلمة ولو ماحسه يعوض
عن الغياب زين ، استمتعوا واي علسة
غلسوا عليها.
.......
• اشبيه سهم شو طول فوگ؟.• عبدالجبار سأل مستغرب تعطيل سهم بغرفته وبعد مانزل، گاعد وبصفه وفاء منتظرينه يجي عمود ياكلون الكيكة سوية، تعوف وفاء الماعون على الميز رادة • حگوم اشوفه.•
• لا لحظة اني حصعدله.• أدم حچى يگوم قبلها فهزت هي راسها اله تبقى گاعدة، يصعد ادم الدرج لحد اخر باية رايح لغرفة سهم فاتح الباب يسأله شايفه گاعد على الچرباية • سهم؟ يلة تعال انزل شدسوي بالغرفة؟.•
مارد سهم عليه باقي صافن بتلفونه بملامح مصفرة وعيون فارغة، فهدلت متون أدم بشوفته هيچ يعگد حواجبه داخل للغرفة يسد الباب وراه، يمشي ناحيته رافع چفوفه لخدود سهم شابگهن بثنين ايديه يرفع راسه سأله بحيرة وقلق • سهم؟ اشبيك حبيبي شو وجهك مدري شونه، صار شي؟، اصدقاءك بيهم شي؟.•
رجفت عيون سهم اول ماگابلت عيون أدم وچان حاس بگلبه مقبوض عليه بشكل يوجع، يسأله بنبرة ثگيلة • شنو هاي؟..• نزل أدم عيونه للتلفون الرفعه سهم اله يردله سؤاله مامفتهم • شنو؟.• ماجاوبه سهم ترعش شفته محاول يقاوم رغبته بالبچي، فأخذه أدم بعدما شافه ساكت يباوع للرسايل.
انفتحت عيون أدم علكبرها اول ماقرة الرسالة ينتفض گلبه، وقبل مايسوي اي شي عيونه راحت للرقم الدازها المعروف اله، رقم علي صديقه يبلع ريگه ماتهدأ دگات گلبه فاتح اول تسجيل الصوت يطلع صوت علي بنبرة مرحة • اي شخبارك أدم وشخبار اللعبة مالتك؟.•
• يعني بدة يلين راسه مو گلتلك هذا غبي ينفر راسه بكلمتين؟.• أدم رد بنبرة يابسة مستنقص من سهم يكمل كلامه ضاحك بين كلامه • هسة دخلتله بدرب علبو اني معجب بيه وباگ هوة!، باچر عگبة كافي انام وياه واصوره واطرده من البيت.•
• زين انتة شكو مدوخ راسك بيه؟ خو خوفه وخليه هو يطلع بنفسه، لعبان نفس تنام وية ابن شوارع! مو مقامك.• علي رد عليه باستهزاء معيب على سهم يقرف من الفكرة لوحدها يتبعه صوت أدم المستنقص كلامه.
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
