واخيراً قد عاد شفيق 😌،
بارت طويل يعوضكم عن الغياب 10000كلمة،
100 فوت + 950 تعليق = بارت جديد،
اي علسة غلسوا عليها.
.......
• هيثم؟ شديصير؟.• طلع صوت هديل من وراهم مصدومة بالمنظر يلي شافته فصفرت ملامح هيثم رأساً يحس بگلبه يدگ بقوة عبالك حيطلع من صدره يندار هو وفراس ناحيتها.
• هيثم! ليمونة اگعد!.• بنبرة لينة ناصية حچى فراس حاط أيده على شعر هيثم النايم، يخليه ينز من نومته فاتح عيونه علكبرها مخترع يبلع ريگه محاول يستوعب الوضع، يشوف فراس قريب عليه وهو بچربايته يفتهم انه يلي صار بس حلم بنومته مو اكثر.
رمش فراس مستغرب حالته يسأله بقلق • اشبيك عيوني؟ چنت دتشوف حلم مو زين؟.• رفع هيثم جسمه عن الفراش يباوع لفراس من الطول للطول يشوفه لابس بدلة رسمية وعباية سودة فوگاها توصل لفوگ رگبته مال محاماة دليل أنه چان بالمحكمة، فرد هيثم بتگطع يتنفس بثگل مهبوط من هالحلم الشافه لدرجة اشبه بالحقيقة • ما..مابية شي..•
• لعد مريض؟ ليش عرگان هيچ وگوة تجر النفس؟.• سأل فراس منزل ايده لخد هيثم يلزمه گاعد على طرف چربايته، مخلي جسم هيثم يقشعر منه يكش على روحه، متجنب انه يحط عينه بعين فراس يعض شفته مذكر تفاصيل الحلم مستحي يشوف وجه فراس مامصدگ نفسه شاف هيچ حلم بيه.
• مامصخن لعد اشبيك هيچ ترجف، شكو صار شي واني مو بالبيت؟.• بحنية سأله يمسح على خده بأبهامه بعد مشاف حرارته طبيعية فتحمحم هيثم يلزم ايد فراس موخرها عنه، هاز راسه ينفي هالشي بصوت ناصي وهو بعده يحس بدگات گلبه قوية وعالية • گلتلك ماكو شي لتظل تلح على راسي چنك طنطل.•
سحب فراس نفس يتأمل ملامح هيثم لأنه واضح مزاجه مو زين، يحچي وياه بهدوء مخليه براحته • هاهية هيثم مراح الح، حرورح اساساً.• دار فراس جسمه عنه يريد يگوم بس وگفه هيثم يلزم طرف ردان عبايته يعض شفته بس حسه ضاج يتعذر منه مستحي من تصرفه وياه وهو مامسوي شي • مقصدي احچي هيچ لاتضوج..•
أنت تقرأ
جَنّاح
Romanceغمضت عيني ولكيتك بالحلم واكف امير، واني يم شجرة حنانك طير وجناحي حرير، وزرعت بشفافي بسمه بالحلم خلتني اطير. مثلية +18، لهجة عراقية. تحتوي الفاظ جريئة، سب عامي صريح، مواضيع للبالغين.
