ရှန်းရှဝတ္ထုဆိုင်ရာဆောင်းပါးများ (၁)
Immortal Mountainမှ ဆောင်းပါးကို
တစ်စိတ်တစ်ပိုင်းဘာသာပြန်ထားခြင်း
ဖြစ်ပါသည်။သော်လွင်ကိုကို
အခန်း (၁) အထွေထွေအသုံးအနှုန်း
တရုတ်ဝတ္တုအမျိုးအစားများ
Wuxia( )
သိုင်းသူရဲကောင်းများဟု အဓိပ္ပါယ်ရသည်။ တရုတ်ရိုးရာသိုင်းနှင့် အတွင်းအားကျင့်စဥ်များကို ကျင့်ကြံရင်း သဘာဝလွန်စွမ်းအားများကို ရရှိလာသည့် သာမန်လူများအကြောင်း စိတ်ကူးယဥ်ရေးသားထားသည့် ဝတ္တုများဖြစ်သည်။ စစ်သည်တော်စိတ်ဓာတ်၊ အလွမ်းဇာတ်၊ လက်စားချေခြင်းနှင့် အချစ်ဇာတ်လမ်းများ ပါဝင်လေ့ရှိသည်။
ရှန်းရှ ( )
မသေမျိုးသူရဲကောင်းများ ဟုအဓိပ္ပါယ်ရသည်။ မှော်ပညာ၊ မိစ္ဆာများ၊ဝိညာဥ်များ၊
မသေမျိုး တန်ခိုးရှင်များ၊ တရုတ်ရိုးရာဒဏ္ဍာရီများဖြင့် တန်ဆာဆင်ရေးဖွဲ့သည်။
ဇာတ်လိုက်များမှာ မသေမျိုးတန်ခိုးရှင်
ဖြစ်ရန် ကျင့်ကြံရလေ့ရှိသည်။ ထာဝရ
အသက်နှင့် အထွတ်အထိပ်ခွန်အားကို
ရရှိရန် ရှာဖွေရ၏။ တာအိုဝါဒနှင့် အထူးဆက်နွယ်လျက်ရှိသည်။နှိုင်းယှဥ်ခြင်း: ဝူးရှကို "အနိမ့်ပိုင်း စိတ်ကူးယဥ်"ဟု သတ်မှတ်မည်ဆိုပါက
ရှန်းရှမှာ "အမြင့်ပိုင်း စိတ်ကူးယဥ်"ဟု
သတ်မှတ်နိုင်ပါသည်။ဟွာရှန်း( ) လျှို့ဝှက်ဆန်းကျယ် စိတ်ကူးယဥ်ဇာတ်လမ်းဟု အဓိပ္ပါယ်ရသည်။ တရုတ်ဒဏ္ဍာရီများနှင့်အပြင်အဆင်များကို ရောနှောရေးသားထားသည့် စိတ်ကူးယဥ်ဝတ္တုတစ်မျိုးဖြစ်သည်။
ဟွာရှန်းနှင့်ရှန်းရှဝတ္တုများမှာ အပေါ်ယံ
ကြည့်မည်ဆိုပါက တူသယောင်ထင်ရပါသည်။ တာအိုအပြင်အဆင်များ(တာအို၊ယင်ယန်နှင့်မသေမျိုးများ...)စသည်သို့ ပါဝင်နေခြင်းရှိမရှိကို ကြည့်ပါ။ ပါဝင်ခြင်းမရှိပါက သာမန်ဟွာရှန်းဝတ္တုဖြစ်ပါသည်။အခြားတရုတ်ဝတ္တုအမျိုးအစားများကို
ဤနေရာတွင် ဆွေးနွေးမည်မဟုတ်ပါ။
YOU ARE READING
သော်လွင်ကိုကို၏ဆောင်းပါးများ စုစည်းမှု (၁)
Non-FictionFbပေါ်မှာ ထွေရာလေးပါး ကျွန်တော်လျှောက်ရေးဖြစ်ခဲ့တဲ့ ရှန်းရှစာပေအကြောင်း၊ ဝတ္ထုရေးသားခြင်းဆိုင်ရာ အတတ်ပညာတွေအကြောင်း၊ ထွေလီကာလီ သမိုင်းအကြောင်းအရာတွေ စသည်ဖြင့် အတော်စုံလင်တဲ့ အကြောင်းအရာမျိုးစုံကို စာဖတ်သူတွေက တစ်စုတစ်စည်းတည်း ဖတ်ချင်တယ်လို့တောင်းဆို...