يبتسم الحبر على صفحة غلاك !

البارت الرابع

اليوم الي عقبه قاموا كل الشباب الا ذياب

يالسين كلهم ع الريوق وسوالف وضحك و روضة الوحيده الي مب معاهم وسرحانه

اليده : حاارب

حارب : هلا يدوه

اليده : وينه ذياب ماريته اليوم

رفعت روضة راسها ولفت ع حارب

حارب : يدوه ذياب ميهود شوي ضاربتنه حمى

اليده : يمهه ولديي شو فيهه

مبارك : لا تحاتين يدوه ما فيه شي اموره طيبه

اليده يت بتقوم : بسير بجوفه بتطمن عليه

مسكها بو مبارك : اميه لا تحاتين ما عليه شر ذياب ريال يمشي ع زنده التيس اكيد هو تعب وضغط ولا هو ما فيه شي

مبارك : هيه امايه لا تحاتين

وردت روضة سرحت ف عالمها الخاص

خلصوا من الريوق وشلوا الاكل وكل واحد التهى بشي

طلعوا الشباب كلهم يحوطون والحريم كانوا يالسين ف الصاله والبنات برا ف الحديقه

بدون ما ينتبهون قامت روضة عنهم واتجهت صوب جناح ذياب

دقت الباب ومحد رد عليها

فجت الباب و ع حظها كان مفتوح مب مقفول

جافته منسدح ومغطي جسمه كله الي يرجف وسمعته يهمس ويقول شي بس ما قدرت تفهم منه شي

حطت ايدها ع راسه وانصدمت من حرارته الي مبينه انها وايد مرتفعه

بطلت كبته بسرعه وسحبت لها اي فانيله غسلتها ب ماي بارد وردت له وحطتها ع راسه

وتمت تكرر الحركه لمدة تقريباً نص ساعه

لين حست ان خلاص وقفت الرجفه وهو اوكيه يعني خفت حرارته

مسك ايدها وقالها بهمس : ماعر..ف منو انتي .. ما اجوو..فج .. كح كح بس والله شكراً وفضلج عليي ما بنساه

ابتعدت روضة عنه بهدوء وطلعت

ردت للبنات

وديمة : وينج انتي

روضة : سرت اعدل شعريه كان منرفزني

وديمة : هيي

شما : بنات قوموا قوموا بنسوي سويتت

غلا : سويت شو

شما : مادري مشتهيه شي بالاوريو

غلا : يله انزين خ نسير نجوف لو الاغراض موجوده ولا

قامن البنات وسارن المطبخ

روضة طرا ع بالها تسوي شوربه ل ذياب دامه مريض