يبتسم الحبر على صفحة غلاك !

البارت ٤١

ذياب سار صوب الطاوله وخذ عطره الي يايبتنه روضة له
سار صوب روضة وسبحها بالعطر
ذياب : اليوم ابا اشم ريحتي فيج .. اباهم يقولون اني حاضننج (وضحك)
روضة حطت ايدها ع صدره بعفويه : طفسس !!
ذياب وهو يتطالع ايدها ومبتسم : لا تلوومييني .. يله حبيييبتي انا بسييرر .. انتبهي ع نلسج ومثل ما قلتلج لا تنسين ترقين عمرج
روضة : ان شاء الله
طلع ذياب وردن لها البنات

عقب عشر دقايق دقت ام حارب وقالت لهن ينزلونها
روضة بدت ترجف : لا مابا ماباا اخافف
وديمة : شو ما تبييين ايييههه
روضة : ما بنزلللل اخاففف
وديمة : روااااض عاااااادددد
روضة : اخاافففف
وديمة : قوي عمرجج كلها خمس دقايق بتدخلين وبتيلسين يله حبيبتي نتييي
روضة : بسم الله بسمم الله (تنهدت وقامت)
وقفت وتعطرت وعدلت عمرها
غلا : احس ريحتج ذياب (وضحكت)
روضة فطست ضحك والتوتر مسيطر عليها
يله بسم الله
وقفت روضة ع الباب والباب كان فوق يعني كانت لازم تنزل للكوشه وجيه واشتغلت الزفهه
كانت زفة حسين الجسمي - ادخلي عمري
(                          ادخلي عمري بخطوتك اليمين

اضوي ايامي وعتمات السنين

قرت عيوني بشوك مقبلة

يالملاك اللين العذب الرزين

اسمعي نبضي ورا صوت الدفوف

من لمحتك ضيع الشوق الحروف

يا ضيا عيني والله ما تشوف

اضحكي يا نور عيني واسعدي

خلي الفرحة في عمري تبتدي

العمر قبلك وهن ما يحتسب

هذي الليلة ترى ها مولدي

في وسط قلبي حفرت اسمك هنا

نورا بن تركي تراها لي انا

نصفي الثاني وفرحة دنيتي

                                  دامي دام لي حياتي في هنا                                 )

بطلت الباب وبدت تمشي بهدوء ومبتسمه بمستحى .. مشت وبدت تنزل من الدري والخوف متملكنها .. وصلت تحت و وزعت نظره وابتسامه ع كل الي موجودييين .. كملت والمصوره جدامها وتصور كل خطوه تمشيها .. كانت روضة طالعه في قمة الروعة كان شكلها جد روعه .. الميكب والفستان وايد لايقين ع بعض وهي روحها آيه ف الجمالل ف يعني كل شي طالع طرر .. وريييحة عطرر ذياااب شالهه المكانن .. مشت لين وصلت الكوشهه الي كانت مزينه بالورد الي نفس الباقه الي ف ايدها والالوان متناسقهه .. درجات البيج .. وصلت للكوشه ويلست بكل انوثه
يت صوبها غلا
غلا : وايد حلوهه البطاقهه .. الي حاطينها ع الطاولات .. يعني لونها بيج يجنن وايد متناسق مع القاعه .. وحتى الخذ الي كاتبين فيه حرفج وحرف ذياب حلو واللون الاسرد طالع فخم
روضة ابتسمت لان صدق كل شي اختاروه بتمعن مع ان ما كان عندهم وقت للدلع
رقصن الحرييم واستانسن لها وهدت شوي وراح التوتر .. وما مداها تنسجم مع الجوو الا ويصدمونها ان المعرس بيدخل
يتها صاعقه .. كانت ابداً ابداً مب جاهزهه
توترررت وقامت وايدها ترجفف
حطوا الطرحه ع ويهها ودخل ذياب ع اغنية نسل الرجال
كانوا الي داخلين ذياب وابوه وبو حارب وعياله وهادف وابوه
دخلوا كلهم وذياب احلاهم والهيبه مبينه من مشيته بس هالمره دخل وابتسامته مب مفارقه ويهه كان صدق صدق مستانس
قرب منها رفع الطرحه عن ويهها وزادت ابتسامته .. باسها ع يبهتها وقالها : مبروك !!
روضة ابتسمت بمستحى
سلمت ع يدها و عمها وابوها والباقين طبيعي الا سلطان الي لا هي ولا هو راموا يمسكون مشاعرهم عن بعض
حضنها وشد عليها
سلطان وعينه مدمعه وصوته يرجف : بشتاااق للججج
روضة دمعت : والله وانا اكثررر ياخويي
ابتعد عنها
جافها ذياب ومسح دمعتها : اييييه لا تصييح حرمتيي
سلطان ضحك : السموووحه ههههههههههه
روضة ابتسمت بمستحى لان يعني ابوها وعمها ويدها موجودين
تصوروا كلهمم مع بعض وطلعوا الشباب الا ذياب يعني
وشغلت وديمة اغنية وقبل لا تبدت قالت
وديمة بضحكه وهي تتكلم بصوت عالي : ذيااب !! ه الاغنيهه من هادف خال روضهه لكك
اشتغلت اغنيهه وكانت "خذها امانه لراشد الماجد"