يبتسم الحبر على صفحة غلاك !

البارت التاسع

سارت روضة غرفتها وتسبحت وتبدلت وعقب بندت الليت وانسدحت ومسكت فونها

والي صدمها ان ما وصلها اي شي من عبدالله

ف قالت معذور وفجت المحادثة كتبت له شحالك و دخلت ع محادثة محمد وكتبت له تصبح ع خير مثل ما تعودت

(محمد : انتي الخير كله وباجر بصبح عليج)

ابتسمت روضة و وطت الفون ورقدت

قامت الصبح والغريب ان بعده ماشي اي مسج من عبدالله

وقفت جدام الكبت وهي تفكر ب شي تلبسه

روضة : * البس مخوره ولا درس خفيف احس صبح مالي خلق مخوره خلني ع الدرس ... وعقبها لا لبست الاول ولا الثاني طلعت تنوره وقميص وعباه ساده يعني ما فيها شك بس ان القطعه عليها لمعة والي خلا شكلها يبين كيوت وكشخه*

دخلت تسبحت وتلبست وسوت شعرها وحطت بلش وتنت ع الخفيف وتعطرت وعقبها طلعت من الغرفه متوجهه للصالة

ما جافت محمد ف استغربت

دخلت وسلمت ويلست

بو حارب : سايره مع محمد رواضي ؟

روضة : هيه بويه

بو محمد : احلى البنات وأغلاهن تعالي صوبيه

مشت روضة صوب عمها وباسته ع راسه

بو محمد : إذا تبين فلوس ولا شي طلبي منه مره لا تترددين

روضة : ان شاء الله عمي

دق بو محمد ع محمد

(بو محمد : ها بويه وينك تترياك بنت عمك

محمد : الحين ياي ابويه بس بتغتر وبكون عندكم ان شاء الله

بو محمد : ان شاء الله)

يلست روضة عدال بو محمد ولحسن حظها يا ذياب جابلها (بالمعنى المعاكس)

ذياب : السلام عليكم

الكل : وعليكم السلام

دخل عقبه محمد : السلام عليكم

الكل : وعليكم السلام

طبعاً محمد كاشخ آخر كشخه كندوره يديده والعطر شال الدنيا وطبعا هااي كانت اول مره لروضة تجوفه متغتر عدل... دوم يا غتره وعقال او بدون شي

محمد : يله روضة

قامت روضة وهي متجهه لمحمد

بو محمد : ذياب ما بتسير وياهم ؟

محمد انرسمت ع ويهه علامات الصدمه ان سلامات وين يبا بعد

ذياب : لا برايهم يمكن الحقهم عقب بس الحين لا

طلعوا روضة ومحمد صوب السيارة

محمد : حيهه

روضة : حيتينن