يبتسم الحبر على صفحة غلاك !

البارت ١٥

دخلت روضة الغرفه وتبدلت و ع حظها اول ما خلصت دق محمد

(محمد : ها رواضييي علوم الجامعههه

روضة: الحمدلله كل شي كان اوكيه وكنت ممشيه يعني

محمد : الحمدلله

روضة : بس الغريب وصدق يعني استغربت منه ان يوم دخلنا أنا وذياب كلهم يلسوا يتطالعونا ف كان يزيييغغغغ

محمد ضحك : ولكم تو الجامعه

روضة : يعني طبيعي ه الشي ؟

محمد : يس ... ها شو بتسوين الحين

روضة : احتمال كبير ارقد ... لاني مصدعههه

محمد : زين عيل حبيبتي برايج ارقدي ومن تقومين رمسيني

روضة : ان شاء الله

بندت عنه )

و ع طول بندت الليت انسدحت ورقدت

قامت عقب المغرب ب شوي وجافت ٥٠ مسد كول من محمد ف زاغت

دقت له وما رد

قامت تسبحت ... لبست مخورتها وتعطرت ونزلت

جافت سلطان ف ويهها

روضة : عوذ بالله زيغتني

سلطان : خوافهه انتي ... بتين وياي؟

روضة : وين

سلطان : بيت عمي حارب

روضة : هيه بيي

اتجهوا بيت عمهم ومن وصلوا استقبلهم محمد

سار عنهم سلطان داخل

محمد : يالحيوانه وينج خفت عليج

روضة ببراءة : كنت راقده شفيك

محمد : خوفتيني والله

روضة : تراني قلتلك برقد

محمد : هيه بس ما توقعت ه الكثر وبتسحبين عليّه

روضة سكتت ما عرفت شترد

محمد بعصبيه : دومج جيه ساكته ... سيري سيري داخل

استغربت منه روضة وسارت داخل

يلست ف الصاله تتريا غلا تنزل والي صدمها ان مع نزول غلا دخل عبدالله

يلست مبهته وأول ما انتبهت قامت بتسير فوق

غلا : برايج رواضي يلسي بنسولف رباعه

روضة : لا بخليكم ع راحتكم

عبدالله : يلسي يلسي الامور طيبه

يلست روضة وسارت غلا تييب عصير حق عبدالله

عبدالله : مم ... ما سألتيني عن سبب خ...

روضة قاطعته وهي تتطالع فونها ومتوتره : ما يهمني

عبدالله : سمعيني انزين