يبتسم الحبر على صفحة غلاك !

البارت ١٨

عبدالله تنهد : بقولج شو تسوين بس انتي طلعي الموضوع من بالج الحين

روضة هزت راسها بمعنى ان شاء الله

ياهم ذياب وهو يضحك : ياخي قسم بالله بيتنا تحفه

روضة بابتسامه : ليش شسالفه

ذياب : ودوم مسويه فورمات حق فونها وانمسح رقمي من عندها ... ف راحت دقت ع الشركه عسب يعطونها رقمي ... والموظفه داقه تقولي في وحده طالبه رقمك وجيه أعطيها ... ف أنا محتار يعني منو هاي الي بتطلب رقمي ... واسمع ودوم تقول عطنيييي رقممممممك والموظفه ع الخط ف هني عرفت ان عايلتنا صدق محد صاحي فيها هههههههههههههههه

عبدالله و روضة نقعوا ضحك

يلسوا كملوا سوالف لمدة ساعه تقريباً وعقب عبدالله سار عنهم وذياب وصل روضة بيتهم

ع المغرب روضة دقت ع ذياب

(روضة : ذياببووووههههه

ذياب بعد الفون عن أذنه وعقب رده : ياااااااا بننننتتتت خوفتتيييننييييييي

روضة ضحكت : خخخخخخ يله عيل قوم شغل سيارتك وتعال بيتنا

ذياب : ليش ان شاء الله مشتاقتلي؟

روضة : اخخخ ما تعرف شكثر

ذياب : ادري ادري

روضة ضحكت : يالطفسسس خل عنك ويله تعال صدق

ذياب : ليش انزين ؟

روضة : بنسوي باربيكيو قبل لا يخلص الشتا يا ريال

ذياب وهو يسوي عمره يرمس واحد من الشباب : يا ريال باربيكيو الزمن مشغول مشغول

روضة : لاااا ياخخييي تعاللللل

ذياب : قولي تبيني اوصل ودوم وخلاص

روضة : تبيني اوصل ودوم وخلاص

ذياب نقع ضحك : شو شاربه انتي

(مر محمد ورا روضة وعقب رد يلس جدامها ف الحديقه)

روضة : ماي ... يله ها بتي ؟

ذياب : بيي بيي بس عطيني ساعه لين ما اكشخ واتعطر وجيه

روضة : طع ها ... يابوي محد بيشم ريحتك ولا بيجوف شكلك ... تعال تعال بنغض البصر

ذايب فطس من الضحك : هههههههههههههههههههههههههههههههههههههههه اوكيييه بيي بييي

روضة : يله نترياك

بندت عنه)

تمت تعابل الفون عسب ما ترمس محمد

محمد : طاح سوقي الحين ما تبين ترمسيني عندج ذياب

روضة ما ردت عليه

محمد : عادي افهم ليش مسويه سالفه ؟ جفتج وانتهى الموضوع

روضة : عادي عندك ذياب يجوف غلا بلا شيله