يبتسم الحبر على صفحة غلاك !

البارت ٥٠

روضة كانت ملتزمه الصمت وتتطالع زايد الي يالس مع سالم
خالتها الاولى لفت تتطالع زايد : لا وبعد ما تجوفينها دبست الريال بولد كل ها عسب تاخذ فلوسسه شو بعد
ذياب لف ستطالع روضة وانصدم يوم جاف خالاتها وجاف تعابير ويهها الي مبينه عليها النرفزه والضيقه
حاول يسمعهم وقام يعني بدون ما ينتبهون خالاتها لان معطينه ظهورهم
خالتها الاولى : ليش ما تردين ؟؟ يعني كلامنا صح ماخذتنه ويايبه منه ولد عسب تضمنين فلوسه
خالتها الثانيه : ومفلسه الريال ؟ يعني احس ريال ب هالجمال والحلا والفلوس والرزه شو يبا بوحده نفسج .. احسه مغصوب ولا مسحور واحد من الاثنين
ذياب صدق عصب يعني ما يداني حد يقل ادبه ع روضة حتى ولو كان اقرب الناس لها
ذياب بنبرة واضح فيها العصبيه : نعممم !!! وشو فيها روضة ؟؟؟ تراها ما شاء الله جمال وادب (وشد ع الكلمه) واخلاااققق .. وترا البنت ما وافقت لا عشان فلوسي ولا شركاتي ع قولتكم .. البنت بنت عمي واتوقع اني اولى بها عن الغريب .. وما خذتها الا لان خاطري فيها يعني مب مسحور (وعطاهم نظره صدق يطلع منها شرار)
تبلمن خالات روضة
ذياب : قومي حبيبتي
تعمد انه يقول حبيبتي جدامهم عسب ينقهرون اكثر
سالم توه ياي : وين وين يالسين تو الليل
ذياب : المكان الي فيه ناس ما يحشمون حرمتي مالنا يلسه فيه
سالم استغرب وعقب استوعب ان عماته قايلات شي
ذياب : يله روضة
خطفوا ودق ذياب ع هادف وقاله تعال وهات وياك زايد ومبارك
ساروا صوبه وسمعوه يكلم سالم
سالم : امسحها فويهيي النسيب !! والله عماتي يعني مب عارفين كيف نتصرف وياهم .. هاي مب اول مره يضايقون روضة فيها .. اسمحيليي بنت عمتي .. وان شاء الله اني برمسهم بس لا تشلين فخاطرج
روضة ابتسمت له وشلت عنه زايد : تعودت عادي من يوم ياهله وهم جيه
ذياب تطالعها باستغراب
سالم يلس يتطالعها وهو صدق متلوم فيها
هادف وهو رافع حايبه : شسالفه ؟
سالم : عماتي عاقات عليها كلام
هادف تنرففز : لاا حووللل ليش حاطين راسهم براسج ابا افهم
روضة رفعت كتفها يعني مادري وحست لو انها طولت ف النقاش شوي اكثر عادي تصيح
مبارك يتطالعهم وهو مصدوم من الي يسمعه يعني ان ليش عماتها جيه يسوون
هادف ؛ شو قالوا ؟؟
ذياب بنرفزه وعصبيه : ك العاده ماخذه ذياب عسب فلوسه وشركاته .. الله والشركاتت يعنييي .. والحييين من يابت زيوود يالسيين يزيدوون الكلام ونتي ونتي ونتيي مب حاله هاي تراها
روضة يوم سمعته نزلت دمعتها ولفت عنهم
سالم تطالعها وقلبه مكسور عليها .. يعني ف النهايه هاييل هلها مب غرب عسب يقولون هالرمسه لها
هادف : برايك سلوم مرخوص بوصلهم البيت وبييك
سالم : خلاص ان شاء الله .. اسمحلنا ذياب !!
ذياب ابتسم : مسموح طال عمرك
سار عنهم سالم
وركبوا كلهم السياره
مبارك بغباء : صبروا ما فهمت شي ؟!
تم الهدوء لمدة ثواني وعقب كلهم انفجروا ضحك
هادف بابتسامه : يعايرون رواضي لانها ماخذه ذياب
مبارك : مره ثانيه ما فهمت .. ليش يعني تراه ولد عمها
هادف : هم بجوفونها موافقه عليه لان عنده فلوس وجيه
مبارك رفع حايبه : نعممم ؟!!!
ذياب : القهر يعني ان هم يعرفون ان روضة مب جيه بس لازم يعني ه الكلام والتجريح
روضة تطالعته وابتسمت
ردهم هادف البيت وكل واحد دخل غرفته تسبح وتبدل
ذياب سار صوب روضة الي يلست بتعب عقب ما رقدت زايد بالقوو
ذياب : رواضي !!
روضة : لبيه
ذياب : احبج !! ما عليج من رمضة خالاتج ولا تتضايقين دخيلج .. ترا يالسات ف البيت وعيزانات ف يدورن سبب للمناقش والضرايب
روضة : ما عليك مب متضايقهه
باسها ع خدها : فديتج !! يلهه تعاليي نرقد ورايه اجتماع باجرر
يلسوا شوي يسولفون وعقبها رقدوا
الصبح نش ذياب بتعب .. تسبح وتكشخ وطلع من الغرفه بهدوء عسب ما يوعي زايد
نزل جاف الريوق محطوط ومبارك و روضة مجابلين بعض بس كل واحد ع فونه
ذياب بابتسامته المعتاده : صبااح الخيرر
مبارك و روضة : صبااح النورر
ذياب سار يقعد عدال روضة والتفت لمباررك وقاله : حيييههه المعررسسسسس
مبارك بطرف عينه : اسكت دخيلك !!
ذياب : خيييبه انا احيد يوم خطبت روضة كنت طااير بلاك انت منفسس .. محكوم عليك عرس مب اعداامم
مبارك : روحك قلت روضة .. مب هاي عليا ماعرف شسمها
ذياب ضحك عقب قال : هد انزين ما يسوى عليك ترفع ضغطك من الصبح !! بويه وين ؟
مبارك : سار العزبه يتطمن ع الحلال .. (ضحك) قبل ما يطلع قلتله بويه دام ما عندنا شي اليوم بسير دبي مع ربيعي .. سكت شوي وعقب عطاني نظره وقالي (حاول يقلد صوت ابوه ونبرته) مبارك بويه مب يالس اتمصخر معاك ترانيي .. بنروح نطلب البنيه اليوم تجهز وقول لاخوك وحرمته بيسيرون ويانا عقبها مسكت نفسي وانطميت
ذياب نقع من الضحك
مبارك بتمثيل : ذيااب تضحك ع هموميييي ؟؟؟؟؟؟؟؟
ذياب وهو بعده يضحك : مضطر سامحنييي
مبارك و روضة ضحكوا وياه
خلصوا ريوقهم وكل واحد طلع ع شغله
ف الدرب ذياب صور ل روضة فيديو و ع اغنية ماجد المهندس - احبك موت
"نعمم لعيوونك اليي ما يصيرر يصييررر
اجيييببب النجمهه لو بالك تصورههااا"
روضة ابتسمت وهي تجوف الفيديو وكتبت له : *فديييت روحكككك ياخييي احبببكككك*
الساعه عشر تقريباً
اندق الباب ع مكتب ذياب
ذياب وهو مندمج ف الاوراق : ادخل !!
دخل سكرتير ذياب : الاستاذ ذياب شي واحد ينقال له فلاح بن صالح برا ويبا يدش عندك
ذياب : اول شي لا تقولي استاذ (وضحك) وخله يدخل عادي
السكرتير ضحك وطلع
عقب مرور ثواني دخل الريال
ذياب كان صدق مرووقق وغير جيه يعني ذياب مرحباني ف بعني عادي حتى لو ما يعرفه بيرحب فيه وبيسولف بس ان بحدود
ذياب وقف بابتسامه ويا فلاح صوبه مد ايده عسب يسلم : السسلام عليييك
سلم عليه ذياب ويلسوا
عقبها خذوا اخبار وشري شوي قاموا يدخلون ف السالفه
فلاح طلع سكين من مخباه وحطها جدام ذياب بهدوء
ذياب فج عينه ع وسعهن وهو يتطالع السكين
كانت نفس السكين اليي انطعن منها مرتين
فلاح تم يتطالعه وهو ساكت يتريا ذياب يرمس
اندق الباب
ذياب بتوتر : تفضل !!
دخل مبارك بابتسامه : مرحباا ملايين
انتبه لفلاح : اوه مشغول .. اسمحلي بييك عقب
فلاح عرفه من شكله : لا لا حياك تعال
دخل مبارك سلم ع فلاح ومد ايده ع ذياب يسلم عليه وهو بعده مبتسم و ف نفس الوقت شوي مستغرب من الجو المتكهرب شوي
اول ما طاحت عينه ع السكين عقد حوايبه وهو يتطالع ذياب الي مفهي ف السكين بعد وعقب لف يتطالع فلاح
مبارك : شسالفه ؟
فلاح : مم معاكم فلاح بن صالح الفلاني .. ولد عمي سكون فيصل بن فلاح .. وياي اليوم اعتذر نيابة عنه .. السالفه وما فيها يا ذياب ان فيصل كان شريك منصور الله سرحمه قبل .. وكان يروح ويرد معاه ويسوي معاه كل شي لين استوت بينهم مشكله وفلوا الشراكه وسمع ان انت لك يد بالموضوع ف كلن طول عمره يحاول ينتقم منك ويضرك لين وصلك وظنتي طعنك مرتين بهالسكين ومن عقبها مرض وصابه المرض الخبيث وقبل لا يودع قاليي السالفه وطلب مني اني اعتذر منك نيابة عنه واظلب منك انك تسامحه .. (وبكسر) فيصل ترا الله خذ امانته !!
انذهلوا ذياب ومبارك .. الي سمعوه مب هين .. كان بمثابة الصاعقه بالنسبه لهم
استسمح منهم الريال وطلع وهو متلوم منهم
مبارك : خيييبهههه انت حيااتك كلههااا دراامااا واكشششنن
ذياب ضحك : ياخييي ردات فعللك تقتلنييي
مبارك : شو ههاا ما يضحككك .. شو ه الاجرااممم الي مستوييي .. شو اليي يقتللكك عشااان شرااكههه
ذياب : الريال مات ترحمم عليه مب زين (شل السكين وحطها ف الدرج) يوم طرا السالفه ذكرت اني صح رمست منصور يفل الشراكه لينهم لانه كان طفران من الريال بس ما توقعت بنوصل لهنيي
مبارك : عثررههه مب صاحييها ياخيي
ذياب : برووك يقولك الريال ماات مب زيييين
مبارك : استغفر الله استغفر الله ... حتى كنت ياي اقولك شي نسيت شو كنت ابا
ضحك ذياب
مبارك : اووه هييه تعال وياي بسير اتشرى لخطبتي (وابتسم بطنازه)
ذياب فطس من الضحك : خهخخخخههخ مب صاحيي ياخخييي ... شو تباا تاخخذ ؟؟
مبارك : نفسس السؤال اليي سألتهه ابويهه وقاليي اسالل خووك هو ادررى
ذياب صحك : ياخوي انا كنت ساير اخطب حبيبتي في فرق .. غير جيه خطبتها اول شي جدام الكل .. ويوم وافقت وردوا علينا وجيه طرشت لها هديه لها معنى وجيه
مبارك وهو يمسح ع لحيته : والله البلشهه !! اخذلها تلفون يعني ؟؟؟
ذياب صدق ما رام يتحمل ونقع ضحك مره ثانيه
مبارك : بصفعك ذيابوووه ركززز معااييي شو اخذذذ
ذياب حاول يمسك عمره بصعوبه : مااعرف .. صبر صبر بدق بسأل نهيانووه قريب خاطب هو الهيس
دق له واستفسر وجيه وعقب طلعوا من الشركه واتجهوا المول وتشروا و ه الحركات ورد ذياب للشركه ومبارك راح الحلاق ورد البيت
ع المفرب جيه كانوا رايحين و ف السياره يعني
مبارك يالس يقنع الوه بكل ضمير : ماباا مااابباا شوفهه شرعييهه .. مابااا اجوفههااا
بو مبارك : يا مبارك شو بلاك غادي ياهل .. شوفه شرعيه تراها بس بتتخبر البنت عن حالها ومتطلباتها ونقطه ع السطر
مبارك : ابووويهه اخيّلل انا
بو مبارك : انفففف علييككككك !!
مبارك بلع لسانه وانطم