ذياب : يله رواض بترخص عنج انا
روضة : مرخوص ولد العم ربي يحفظك
ذياب : اسمحيلي وأنتبهي ع نفسج و ع ه الطفس
روضة : مسموح مسموح ... سم طال عمرك ... وانت بعد هالله هالله بعمرك وسوق عدل بدون ما تمسك الفون
ذياب : تامريين ... يله عيل نلتقي ع خير
روضة : ان شاء الله ... ف حفظ الله
سار عنها ذياب وسارت هي غرفتها
بدلت صقر وعطته حليبه ورقدته وشغلت لها فلم تطالعه قبل لا ترقد
وهي مندمجه وصلها نوتفكيشن من رقم غريب محتواه :
* حتى كلامك غير لا من نطقته
ودي تعيد السالفه عشر مرات!"
HH*
استغربت روضة وايد ان بسم الله منو ها وشسالفته ... وقفت الفلم ويلست تتطالع المسج لين رقدت وما وعت إلا ع صلاة الفير وهي ناسية سالفة المسج ... صلت وردت رقدت للضحى
قامت وجافت ان صقر بعده راقد ف سارت تسبحت وغسلت شعرها وتلبست وسارت صوب صقر
روضة : صقوووري ... صقيييير
قام صدقت وهو عاقد حوايبه ويطالعها ان من هاي شسالفتها ... ويلس شوي وعقب استوعب وابتسم
صقر : انققااا
روضة ضحكت : وااييي فديييتت احلى انقاا
شلته سبحته ولبسته وعطرته وعقب حطت ميكب وتعطرت ونزلت وهي شالتنه ع اساس يروحون بيت يدها ( ابو ابوها )
يا محمد شلها وساروا صوب بيت يدها
محمد : شحالج ؟
روضة : الحمدلله وانت ؟
محمد : الحمدلله بخير ... منو ه الحلو
روضة : صقر ولد خالي
محمد : وليش عندج
روضة : اشتقت له ف استأذنت من أمه عسب اخليه عندي لليوم العصر وهيك
محمد : رقد عندج يعني؟
روضة : هيه
محمد بعتب : روضة مالها داعي الحركه الي سويتيها .... أنا اسف ياخي بس لا تعذبيني جيه
روضة : شسويت ؟
محمد : شو الي ما تبين تكلميني رواض والله حرام عليج
روضة : محمد تراني قلتلك فترة امتحانات وجيه ف صعبه علي
محمد : روضهه ياخييي
روضة : عقب الامتحانات يصير غير
محمد بركن : خلاص ع راحتج
شلت روضة شنطة صقر وشلته ونزلت : مشكور ع التوصيله
أنت تقرأ
يبتسم الحبر على صفحة غلاك !
Romanceرواية اماراتيه تدور احداثها حول روضة وكيف حياتها الشخصية مع عايلتها وربيعاتها، وكيف انها قدرت تتخطى مصاعب الحياه !!
