يبتسم الحبر على صفحة غلاك !

البارت ٣٩

مروا خذوا كوفي وردوا مسكوا الخط ... وكل مره واحد يسولف من صوب ... لين ما وصلوا دبي مول
حارب : وين تبون تسيرون ؟
روضة : عن رايي يعني ... انت وذياب سيروا تحوطوا وانا و ودوم بنروح روحنا بعد ... لان نبا اغراض حريم وجيه فهمت !!
حارب : فهمت فهمت ... خلاص عيل خلي تلفونج عام ومن اتصل ردي
روضة : ان شاء الله
ذياب مسكها من ايدها وسحبها ع طرف
ذياب : رواااضض وش الي تسيرون رواحكن ونحن ف دبي مول ياخي زحمه مب ي الفكره
روضة : فكرة أختك مالي شغل ... بس انها استحت تقول جدام حروب ... وعادي يعني ما علينا شر لا تحاتي الامور طيبه
ذياب : رواض ياخييي
روضة : ها روااض
ذياب بيأس : اوههوووو .. انزين انزين عندي فكرهه .. انا وانتي نروح رباعه و ودوم وحروب يزوحون رباعه
روضة : ذياب ودوم تبا تاخذ اغراض حريم كيف تسير مع حروب
ذياب : يا هي حاله .. الحل ؟
روضة : خلنا نسير وعقب بنتيمع كلنا ف كوفي
ذياب : خلاص امرنا لله توكلوا .. تبين فلوس ولا شي ؟؟
روضة : لا عندي
ذياب : امانه والله صدق عندج
روضة : هيه والله
ذياب : خلاص يله
ردوا صوبهم وراحن روضة و وديمة روحهن وتمشن وتشرن
دخلن محل نعل و روضة جافت نعال سعرها الفين وشوي ( لا تييني وحده وتقول نعال سعره مب نعال سعرها )
روضة : حلوه ؟
وديمة : مب صاحيه انتي .. تبين تاخذين نعال ب الفين حق شو
روضة : حق العزايم الطلعات الجامعه تمشيه شو بعد
وديمة : هي حلوه بس ما تسوى
روضة : ودددوووممممم عيبتني ياخييي
وديمة : مااا تسوووى
روضة تطالعتها بنظره ان بليز غيري رايج
وديمة سفهتها ولفت
روضة ضحكت : طفسسه
سارت واشترت النعال وطلعت لوديمة
وديمة : جووف الحيوانهه خذتيهاااا
روضة بابتسامه : هيه
كملوا حواطه ودق حارب ع روضة
(حارب : اقولج !!
روضة : قول لييي
حارب : ترانا يواعه نبا ناكل ف خلصن بسرعه
روضة : خلصنا !
حارب : وينكن
روضة : صوب الفاشن اڤنيو
حارب : زين تعالوا مكان بوردرز الجديم الي تحت .. صوب المطعم الي عند النافوره عرفتيه ؟
روضة : هييه
حارب : يله لا تطولون ؟
روضة : سم طويل العمر
بندت عنه)
وديمة : شسالفهه ؟
روضة : يبونا نتعشى
وديمة : اووه .. وين ؟
روضة : هذاك مال اللحم
وديمة : تدلينه ؟
روضة ابتسمت : مادري بس ان شاء الله
وديمة ضحكت
مشوا صوب المطعم وجافوا ذياب وحارب
ذياب : حي الله الشيخات
ابتسمن الثنتين ويلسن
حارب ضحك : ابويه يقول مره لا تقصر ع روضة بشي .. الغاليه وبتروح عطها كل الي تباه واذا تبا زود عطها زود
روضة ابتسمت : فديييت رووحههه
ذياب بابتسامه لف يتطالع وديمة : ها تشريتي شبعتي ؟
وديمة : خلني ساكته لا تخليني انطلق بالكلام
ذياب : ليش شسالفه
وديمة : ماخذذذ وحددهه بطراانههههه ترااك .. ماخذذهه نعاااللل بألففييننننن تخيييللل
ذياب ابتسم
حارب : رواض ؟
وديمة : هييه
حارب : ما عرفتيها بعدج .. هاي اكثر وحده متدلعهه ف البيت .. تتنقى دووم وما يعيبها الرخيص مب يعني بطرانه وجيه بس ابوي معودنها لو تبا شي تاخذ
روضة : شكراً اخويه المحامي الكبير واحب اوضح لج يا حياتي بعد ان انا حب الذات عندي وايد عالي .. ليش ابخل ع نفسي واخلي الشي ف خاطريه دام اني قادره اخذهه
وديمة : تحريتج من النوع الي يفلس الريال وهو الي ياخذ كل شي
روضة بالنسبه لها ها موضوع حساس لان خالاتها كانن دوم يتنقدن عليها وكيف تكمل جامعه وكيف تاخذ اشياء وماركات لنفسها ف يعني ما قدرت تسكت : يعني ودوم احسج مب عايشه معايه من قبل .. تراني دوم اقولكم انا ماترياا ريال ايي ويصرف عليّه .. انا الحمدلله دارسه ومتعلمه و الله منعم علي .. واسمحلي ذياب بس تراني صدق مب ف حاية لريال ياكلني ويشربني وياخذلي انا اروم اسوي كل ها لنفسي
ذياب يتطالعها بذهول وعقب قال : لا كلامج صحيح
حارب حس انه تلوم من ذياب
وديمة : انزين سوري سوري ما يسوى عليّه بلعتيني
روضة انجبت وهي متنرفزه
حارب بهمس : بس عاد رواض ما تقصد تراها
روضة : ادري بس يعني تراك تعرف كيف الموضوع حساس بالنسبه لي
حارب : سيري سيري تمشي طلعي طاقتج السلبيه
روضة ضربته بخفيف ع كتفه : محد مسلب حياتي غيرك
ضحك حارب
قامت روضة وطلعت برا
وقف ذياب وعيونه تتبعها : السموحه دقايق بس
حارب : خذ راحتك النسيب
وراح صوب روضة
حارب بعد هدوء : وديمهه
وديمة : امرني
حارب بدون مقدمات : احبج !!
انرسمت الف علامة استفهام ف ويهها .. حست ان ويهها استوى احمر والمكان استوووى حااارر
وديمة توهقت ما عرفت شتقوله يعني صدق ضدق صدمها .. توقعت حارب عنده تبلد مشاعر
حارب : يعني ادري مب من حقي ايي واقولج ه الكلام .. بس الحين انتي كبرتي و ف سن عرس وسالفه ف يعني ما اباج تاخذين واحد من برا وانا ولد عمج خاطري فيج واولى فيج
وديمة توهقت اكثر
حارب : ماعرف اعبر لج عن مشاعري بس كل الي اعرفه اني احبج
عند ذياب و روضة
ذياب تقرب منها ويأشر ع كتفها
ذياب : تسمحيلي ؟
روضة : هيه !!
ذياب حط ايده ع كتفها وقربها منه وهم يمشون
ذياب بعذ هدوء : منو مضايق بج ؟ ليش اشتطيتي ه الكثر حد قالج شي ؟
روضة : لا مافيي شي
ذياب : رواضي اعرفج تراني واعرف ان مب مني والدرب بتقولين ه الرمسه
روضة وصوتها فيه رجفه : ذيااب !!
ذياب بصوت يذبح : عيونه ؟
روضة : انت تعرف اني ما وافقت عليك عشان فلوسك وشركتك صح ؟
ذياب يتطالعها باستغراب : اكييد اعرف حياتيي .. الي بيني وبينج ما ينحسب بالفلوس فديتج
روضة تطالعته وقالت بكل براءه : ادري بس هم يقولون اني موافقه عليك عشان فلوسك !!
ذياب : منو هم ؟
روضة : خالاتيي
ذياب : حبيبتي دامج تعرفين انج مب موافقه الا لانج مقتنعه فيني انا ومب فلوسي ما عليج منهم
روضة : بس ماحب ياخي جيه
ذياب : حياتي انتي !! تراهم ما يعرفون الي بيننا .. وغير جيه لا تهتمين ترا الناس وايد يحبون يالفون ويقولون ويزيدون .. طنشييي وبتعيشي .. اما اذا استويتيي تسمعين للكل ف تراج بتتلتهين !!
روضة : مب جيه بس خفت ان تفكيرك يروح بعيد ف يوم من الايام وتحس نفسهم
ذياب : رواض لا تزعليينيي عليج .. مستحيل انا ف يوم اظن ه الظن فيج
روضة : اكييد ؟
ذياب : هيه فديت قلبج اكيد
روضة ابتسمت
وعقبها ردوا صوب حارب و ودوم
يلسوا ع الطاوله وجافوا ان الهدوء عام عندهم
ذياب وهو يتثاوب : سولفوا
وصل الاكل
حارب حط ايده ع بطنه : حسوا فيني !! خلاص لا كلام ع الطعامم
ضحكوا كلهم
يلسوا ياكلون بهدوء لين ما خلصوا
تمشوا وجيه عقب ما طلعوا من المطعم وقالت روضة بمستحى
روضة : حويرب
حارب : لبيه ؟
روضة : نبا نمرر مكان فاجينه يديد !!
حارب : تامريين امرر العرووس
روضة استحتتت ما اتوقعت ان ف يوم حارب يزقرها ب ه الاسم .. حست انه مزح بس من النوع الثقيل
حارب : وين تبون تسيرون ؟
روضة : ماعرف شسم المكان ودوم بتطرش لك اللوكيشن
حارب : خلاص تمام عيل خلنا نسير صوب السياره
ركبوا ع نفس ترتيبهم القبلي
ذياب بابتسامه : عطني الدي جي بستلمه
حارب : استلمه بس اغاني الشيّاب ما نباهن
ذياب : اففااا تقول عني شيبه
حارب : هيه معرس تراااك
ذياب : ويعنيي ؟؟؟ ترا بعدني شباب
حارب ضحك : شو ياك تحسست يا ريال
ذياب : ما تحسست
شغل اغنية باسم روضة وتم يغنيلها
حارب : تفضل اونه رومنسي يعني
ذياب : شو يخصصص
حارب صحك
عقب شغل اغنية حسين الجسمي "تعبت"
وشغل بارت "صحيح بغربتي بتعب ولكن في سبيل انساك
بعزي بالصبر نفسي ولو محدِ يعزيني
نعم مليت نكران الجميل وطبعك ومبداك
وقلت البعد عنك ارحم مدامك ترفض تجيني"
حارب قصر ع الاغنيه وقال بابتسامه : ليش مهمومم يا ريال .. مزعلتنك رواض ؟
ذياب : لا والله حشى !!
حارب : اشك
كمل ذياب بضيق : فجأه طرا ع بالي منصور الله يرحمه !! كانت ه الاغنيه دوى لجروحه .. كنا كل ما نمسك خط يشغلها .. لدرجة ان استوينا كلنا نسميه منصور تعبت .. لين توفى بالحادث الله يرحمه
حارب حس انه متضايق فقال بلوم : الله يرحمه
ذياب وهو يغير الموضوع ويغير الاغنيه عقب ما حس ان الجو تكهرب : وين تبونا نسير ؟؟
حارب : مكان مختارينه البنات
ذياب : هاييل كيف تثق فيهنن
حارب : مجبور يا ريال .. موصاي مليون مره اخطفها كل مكان
ضحك ذياب بكسر
وصلوا المكان ونزلوا حارب و ودوم وتقدموا و ع اساس ذياب يعدل غترته بس بالحقيقه مرور منصور ع باله اثر عليه وايد .. يلس ف السياره وصاح بحرقه لين ما حس ان خلاص ماشي فايده من صياحه وان لو الصياح بيرده كانت الامارات كلها بتصيح عليه
اول ما نزل من السياره تفاجئ بوحده ترتمي بحضنه وتشد عليه بقو
روضة بحنية الدنيا كلها : لا تضايق بعمرك !! دخيلك !!
ذياب شد عليها : فدييت روحجج لا تحاتيين
روضة ابتسمت وابتعدت عنه
ذياب مسك ايدها : تعالي نتمشى رواحنا
روضة : يلهه
يلسوا يمشون وهم يشربون كوفي والمكان هادي والجو بارد
عند حارب و وديمة
حارب : بلاج اول مره احس انج هاديه
وديمة بهدوء : هل متوقع مني اصارخ ع راسك نفس قبل عقب الي قلته اليوم
حارب ضحك : هيه !!