يبتسم الحبر على صفحة غلاك !

البارت ٣٦

عقب مسك فونه ودق ع روضة

(ذياب : اول شي وقبل كل شي شكراً ع الورد و الله يسلمج ... وثاني شي اسمحيلي والله رقدت من التعب

روضة : ذياب خففتتتت علييييك

ذياب : اسف والله اسف

روضة : شو صابك شو استوى ل ايدك؟

ذياب : ماشي ماشي موضوعها بسيط

روضة : ماقلت بسيط ولا ... أنا سألتك شو استوى

ذياب : عصوبي ... ما استوى شي مجرد مسمار ضغطت عليه بالغلط ... كنا نتمشى وحطيت ايدي ع طرف الطاوله ف المحل ودخل المسمار ف ايدي

روضة : ااخخخخ يعوررر

ذياب : عادي عادي اموري طيبه

روضة تذكرت موقف مبارك : يياااا حمممااررررر تونيييي اتذكررررر

ذياب : شوووو

روضة : مبااارك رد ع الفون وانت راقد وانا كنت اهزبك !

ذياب فطس من الضحك : حلفيييي والله ؟؟؟

روضة وهي تضحك : والله ... تفششششلت

ذياب وهو يضحك : دواج عيل داقه تهزبيني ليش

روضة ابتسمت

ذياب : بسير بيلس مع امايه ما جفتها اليوم

روضة : تمام حبي

بند عنها )

مرت الايام بسرعه ومحد حس فيها ... عرسوا عبدالله وغلا

ف نفس يوم عرسهم فليل عقب ما ردوا كلهم

(روضة وعيونها تطلع قلوب : ذياااببب فخاطررييي شي بس ادري ما بتطيع

ذياب : امري ي عيوني كلي لج !! لو الله يقدرني ف ليش لا ؟

روضة : لان بتقول عني ياهله

ذياب : امري انتي انزين

روضة بمستحى انها يالسه تطلب ه الطلب : ابا الملجه تكون نفس بثيم سندريلا :)

ذياب سكت لثواني وعقب استوعب : تم

روضة انصدمت : ههاااا ؟؟

ذياب : تم شو ها

روضة : انزين ما سالتني شسالفه

ذياب : ماعرف شو بتسوين نفس سندريلا يعني بس ان مابا شي يتم ف خاطرج

روضة : يعني مممم انا فستاني الردي ازرق فاتح يعني نفسها ... ابا ف طرف الكوشه جيه يكون موجود الكعب الي اونه يعني يغير حياتي للأفضل

ذياب : انزين ؟

روضة : وان يوم يقولون بتدخل ابدل والبس كعب السعاده وهيك وتتغير الاضاءه لاضاءه احلى وعقب انت تدخل

ذياب : نايس حبيت ... هو ما عندي مشكله سوي الي تبينه بس ان لا تقولين لي البس بدله لان ابويه بينحرني وبينحرج معايه