يبتسم الحبر على صفحة غلاك !

البارت ٢٣

ابتعد عنهم وهو ماسك فونه

دق ع روضة

(ذياب ونبرته فيها عصبيه : الووو

روضة : هلا ذياب

ذياب بحدة : مع منو سايره دبي ؟

روضة باستغراب ابتعدت عنهم : بسم الله شفيك قلتلك اني سايره مع بنات خالي

ذياب : شي ريال معاكمم؟؟

روضة : لا

ذياب بعصبيه وصراخ : مااا قلتيليييي روضضضههههه (تدارك عصبيته وقال بهمس) اسف ... مب ع اساس خالج بيسير وياكن روضه ؟

روضة بهدوء : هيه بس تعب وغير رايه قال سيرن رواحكن عادي

ذياب تنهد : انتن وين ؟

روضة : الحين رايحات القريه

ذياب : خلاص تمام انتبهي ع نفسج واسمحيلي

روضة : ان شاء الله

بند عنها)

و ع طول صار سيارته شغلها وطلع من بيت يده متجه ل دبي

يوم قرب من دبي صور ل روضة فيديو الخط وأغنية قدر - راشد الماجد

(والله قدر حبك يا أغلى الناس ع قلبي قدر

اني امر دبي وعيوني تشوف وغارقه

لاني أشوفك في طموح دبي لحدود القمر

ولاني أشوفك في النخيل وفي المباني الشاهقة)

ف ه الوقت كانت روضة تتمشى مع البنات وجافت هزاع ف ياها ايرور

يا هزاع صوبهن

هزاع : السلام عليكن

البنات باستغراب : وعليكم السلام

هزاع : شحالج روضة ؟

روضة : الحمدلله بخيرر وانت شحالك ؟

هزاع : الحمدلله بخير دامج بخير ... شو ه الصدفه ه الاسبوع بطوله بجوفج ماشي بريك ... كل يوم نتصادف

ضحكت روضة : الله كاتبلك تجوفني يومياً شنسوي بعد

هزاع ضحك : يله عيل ما بطول عليكم بس كنت بسلم ... من رخصتكم

البنات : مرخوص

سار عنهن

مهره : منو ها ؟