يبتسم الحبر على صفحة غلاك !

البارت ٢٦

*ه البارت كتبته وانا صدق منهارههه ... ما هانوا علييي ذياب و روضههه*

وصلوا ونزلوا ويلسوا ع واحد من الكراسي

مبارك : تكلم ياخوي !!

ذياب : شو تباني اقولك ... ان عمري ما حبيت ويوم حبيت أبعدوني عن الي احبها ... اقولك ان المتسبب ولد عمي ؟

مبارك : ولد عمك ؟ منو من عيال عمك ؟

ذياب : محمد !

مبارك : محمممددد ؟؟؟

ذياب : هيه

مبارك : تكلم بوضوع لاني ضعت ... قولي الموضوع كله من البدايه

ذياب تنهد : ما كنت أدانيها .. ما كنت ابلعها .. لين ما سرنا المزرعه هناك تعرفت عليها صدق ... تعرفت ع شخصيتها الحلوه ... سولفنا وضحكنا ... وعقبها دخلت الجامعه واستويت أنا الي أوصلها واوديها واروح وارد معاها كل مكان ... هي الي تشكل يومي يا مبارك ... يوم مرضت آخر مره أنا الي وديتها المستشفى وداويتها ... تميت معاها لين يا اخوها ... كل يوم اذكرها دواج يا بنت ... آكلج يا بنت ... ابتسامتج يا بنت لا تفارقج دخيلج ... كنا نسولف اليوم الصبح ونضحك والعصر ردينا سسولفنا ... احب روضة يا مبارك ... احبها واموت فيها والله (ونزلت دمعته)

مبارك تصنم ما توقع ان ها كله ف قلب اخوه : شو استوى يا ذياب

ذياب : محمد ال***** راح وترس راس حارب وقاله تراهم كيت كيت وفيهم كيت كيت واحتشر عليها حارب ... ما كنت اعرف السالفه بس اليوم يوم كنت ساير مع سلطان بيتهم جفتها وهي منهاره وتصيح وتقولهم ماحب محمد ما أدانيه ... (باندفاع) مبارك مبارك تحيد كيف كنت اكره العايله كلها ما كنت اسير بيت يدي ما اروح وارد صوبهم ... هي الي غيرتني هي الي حببتني فيها وفيهم ... ليش الحين يجبروني ع فراقها

مبارك : اهدا يا ذياب اهدا ... ليش محمد يسوي جيه

ذياب : لانه كان يحبها وهي صدته

مبارك تنهد : موقفك صعب يا ذياب ... بس دامك ييت قولتلي موضوعك ف خذ رايي ... ابتعد عنها ه الفتره وأخطبها ... عقبها محد له حق يتكلم

ذياب سكت ... ما يتخيل يومه يمر بدون روضة ... بدون ما يقولها صباح الخير ي النتفه ويوصلها للجامعه وكلاسها وايلسون عقب الدوام يحشون ف خلق الله ويضحكون ويسولفون ويسوون ويروحون ويردون ... ف كل ها ينعدم ف يوم الشي وايد صعب

قام مبارك : صبر بييك

راح عنه ورن فون ذياب

جاف اسم روضة وارتجفت ايده

(ذياب وصوته فيه رجفه وعيونه مدمعه : عيوني

روضة وهي تصيح : يرضيك الي يالس يصيررر ؟؟؟

ذياب : لا والله يا روضة ما يرضيني ... اهدي انتي لا تصيحين ولكل مشكله حل حبيبتي

روضة : ذييااابب ابباااكك ااابببااااكككك ماقدر اعيش بدووونك