يبتسم الحبر على صفحة غلاك !

البارت الثالث

قامت روضة ع اذان العصر

روضة : *استغفر الله يارب سامحني ما صليت الظهر*

قامت تسبحت وصلت وفجت فونها

لقت ٢٠ مس كول من عبدالله

تنهدت دقت عليه وهي مستعده للهزاب

(عبدالله بصراخ : لو ما رديتييي؟ كل هاا مع ذيااببب؟؟ روحي روحي يلسي عنده انا ما تبيني

روضة : عبدالله والله اني كنت راقده

عبدالله : وقبلها شو كنتي تسوين؟ يالسه مع ه الحمار من الفيّر

روضة : شفيك عبّود

عبدالله : شو الي شفيك؟ تبيني اجوف حبيبتي عند ولد عمها ويبا ياخذها عني واسكت

روضة : لا عبدالله محد قال اسكت، وثانياً ولد عمي ما يبا ياخذني ولا بياخذني

عبدالله : ما يبا ياخذج وانتي تدفنين الفون ف ويهي عشانه

روضة : عبدالله شو الي عشانه شو يالس تخربط، انا احبك عبدالله احبك انت وبس، لا ذياب ولا غيره بياخذني عنك

عبدالله هدا : روضة انتي لي، ليي انا بس زين؟

روضة : ان شاء الله

يلست تكلمه روضة حوالي النص ساعه)

نزلت روضة وجافتهم كلهم يالسين برا

يلست روضة وهي تحس انها مسطله

اليدة : عاد روضة وذياب من فيّر الله ناشين، يسوون بانكوك ماعرف شو اسمه هذا الخبز مالهم

ضحكوا الشياب والحريم

بس الشباب والبنات كلهم انصدموا

ان كيف ذياب و روضة، الي يعرفونه انهم ما يطيقون بعض

ف كلهم لفوا يتطالعونهم

بس روضة وذياب ما عاروا اي اهتمام

والي يصدم اكثر ان ولا واحد منهم لف يتطالع الثاني

ولا حتى جنهم كانوا مع بعض قبل كم ساعه

ذياب بجمود : مبارك عطني سويجك بسير شوي وبرد

مبارك : ليش بلاه موترك؟

ذياب : ماشي بس سويجي فوق ومتعايز اسير اخذه

مبارك : انا سويجي مادريبه وين يمكن ف الغرفه

حارب فر سويجه ع ذياب

حارب : امسك امسك

ذياب : شكراً ابن عمي

(قالها بالطريقة الشامية او السورية)

ضحكوا الشباب

قام ذياب ولفت عليه امه

ام مبارك : وين بتسير ؟؟