يبتسم الحبر على صفحة غلاك !

البارت ١٤

روضة قربت منه وايد وغسلت عينه وكررت الحرمه من اربع ل خمس مرات لين ما خلاص قدر يفتح عينه

محمد كان ساكت ومبتسم وهو يتطالع قربها منه

روضة : حمود

محمد : لبيه

روضة : عينك اوكيه الحين ؟

محمد بابتسامه : هيه غلايه اوكيه

روضة ابتعدت بمستحى : يوم اقولك طفس

محمد نقع ضحك : شوووو ما قلت شي بعدني صبري عليّه شوي

روضة طلعت فونها تجوف منو الي متصل

(هادف : هلا وغلا

روضة : اهلييننن وينك يالقاطععع

هادف : الحمدلله ع السلامه اولاً ... وثانياً أنا خالج ولا انتي خالي ... انتي الي لازم تسألين عني

روضة : مااا يخصص

هادف : يخص يخص يالطفسه

روضة : ههههءءءء أنا طفسههههه ؟

هادف ضحك : هيه هيه طفسه

روضة : ما عليك بخبر عليك يدي

هادف : يدج زعلان عليج ... ما تيين صوبه ولا تسلمين

روضة : اويه صدققق ؟

هادف : هيه والله شرهان عليج

روضة : بس تراني كنت مغيبه يعني خ يعذرني

هادف : ومن قمتي تراج ما ييتي صوبنا يعني مالومه الصراحه

روضة : وينه هو ف البيت ؟

هادف : هيه

روضة : الحين بيي

هادف : يله نترياج

بندت عنه)

روضة : محمد

محمد : عيونه

روضة : تسلم عيونه ... عادي توديني بيت يدي بسلم عليهم ع السريع

محمد سكت لمدة ثواني وعقب قال : وانتي حد يقدر يجوف عيونج ويقولج لا ؟ اكيد عادي

روضة ابتسمت : ثننكييوووو سسووو ممجججج والله

محمد رد لها الابتسامه : ما بيننا بنت العمم

دلته ع المكان لين وصلوا

روضة : اييههه ما بتنزلل معايههه ؟؟

محمد : وين انزل هلج هاييل

روضة : هليه وهلك واحد انزل انزل

محمد : لا رواض والله برايه ... صعب تاخذون راحتكم

روضة : حمود انززللل

محمد : مابا

روضة : حمود ياخي ... يعني لازم اقول اني مم ... اخاف انزل روحي