يبتسم الحبر على صفحة غلاك !

البارت ١١

روضة فجت فونها ويت بتكتب لعبدالله شحالك وانصدمت انه مبلكنها

غصت : كح كح كححح كككحححح

سكوت فونها وهي تكح وعينها استوت حمرا

قام حارب لها ركض لانه يعرف ان الموضوع عادي يبدا بخنقه عاديه وينتهي للمستشفى

حارب بخوف : شو اسستووووووى ؟؟؟؟

محمد مسكها من إيدها قومها صوب الحمام : ماعرف تاكل وغصت

يا صوبه حارب غسل ايده ع السريع وهي بعدها تكح

دقها ع ظهرها ع الخفيف لين وقفت الكحه وانهارت روضة من الصياح حضنت حارب بخوف وهي ترتجف

حارب وهو يمسح ع ظهرها : فديتج حصل خير حصل خير ما صار شي اهدي ... رواضي عيوني لا تصيحين حمدي ربج ان ما ياج شي يا روحي

فجأه وقفت صياح

روضة بصدمه : ميكبييييييي

نقع ضحك حارب : طع هاي

مسحت دموعها ورتبت ويهها وحارب طلع

محمد يتطالع عيونها وعيونه مدمعه مب متخيل ان ف لحضة كانت ممكن تروح

روضة : بلاك ؟

محمد : خفت ... خفت عليج

روضة بابتسامه هاديه : ما عليّه شر لا تحاتي

محمد حط ايده ع قلبه : ياربي ... الحمدلله ع سلامتج

روضة : ربي يسلمك حمووود

طلعوا ساروا يلسوا صوب الباقين

ذياب : فيج شي ؟

روضة حركت راسها بالنفي

بو محمد : يله يا عيال قوموا اغسلوا اياديكم وتعالوا برمسكم ف موضوع

قاموا الشباب غسلوا اياديهم وجيه

روضة : حمود انت ما كلت

محمد : وين لي نفس اكل الحين

روضة وهي متلومه : سورريييي والله

محمد : الامور طيبه عيوني

يلسوا كلهم وروضة كانت عدال بو محمد

بو محمد : شباب أنا يايبنكم هني اليوم عشان موضوع وايد مهم بالنسبه لي ... ف البدايه أباكم تعرفون ان لكل واحد منكم قدر ومعزه ومكانه عندي عسب جيه أنا اليوم يمعنكم هني كلكم ... ثاني شي تراكم الحين كبرتوا يا عيالي وكل واحد فيكم بيحصل له الحرمه المناسبه وبيعرس ... ف أنا هني اليوم عسب اقولكم ان غلا بنتي انخطبت

الشباب : ما شاء الله ... مبروكين عمي ... الله يتمم لهم

بو محمد : والي خطبها الصراحه ريال زين وماي يعيبه شي ... بس يمعتكم هني عسب اسألكم إذا البنت فخاطركم ولا أنكم مب مرخصينها ف تراكم أولى ... الي يباها من الحين يرمس مب تلوموني عقب