يبتسم الحبر على صفحة غلاك !

البارت ٤٤

تقربت منه ويلست ع طرف الشبريه وحطت ايدها ع راسه : شي يعورك فديت خشمك ؟
ذياب بابتسامه مسك ايدها وقربها منه وحطها عند قلبه : لا فديتج انا بخيرر
روضة : متأكد ؟
ذياب : هيه حبيبة قلبي
روضة : اخخ الحمدلله .. خفت علييك
ذياب : اسف حبيبي
روضة بابتسامه : تقول اني بمرض وانت الي مرضت .. ها لانك ما تلبس عدل
ضحك ذياب : السموحه الشيخه المره اليايه بنصطلب
روضة ضحكت وباسته ع راسه
ذياب : كلتي فديتج ؟
روضة : لاء اترياك
ذياب : رواااض لو طلبتي لج شي خفيف ع الاقل
روضة : برايه عقب باكل
ذياب : لا الحين بنسير .. بسير اسبح انا ونتي روحي تلبسي
روضة : ان شاء الله
قام ذياب تسبح وتلبس
وطلعوا تغدوا وحاطوا وردوا
مرن ست شهور ب اسرع عن البرق وكل واحد ملتهي بحياته و ف ه الست شهور حارب و وديمة ملجوا غيره ما استوى شي مهم
ف بيت بو مبارك
نزلت روضة من الدري وهي تحس انها صدق دايخه .. حطت ايدها ع راسها ونزلت صوبهم كانوا متيلسين برا
روضة بتعب ولكن كالعاده ابتسامتها ما تفارقها : السلام عليكم
الكل : وعليكم السلام
روضة يلست عدال ذياب وتطالعها باستغراب
ذياب حط ايده وراها وقالها بهمس : شي فيج عيوني ؟
روضة : لا بس راسي يعورني شوي
ذياب زاغ بالعاده روضة حتى لو شوي وتموت من الالم ما تتشكى ف حس ان صدق شي يعورها
ذياب : شو يعورج غير راسج ؟
روضة : بطني
ذياب : عندج هذاك الشي
روضة باحراج : لا !!
يت الشغاله وهي يايبه ذره ومدتها ل روضة
روضة ع طول سكرت خشمها ويتها لوعه من الريحه ف قامت ركضت للحمام ورجعت
ذياب من جافها قامت زاغ ولحقها
ذياب : بلاج بلاج روضة فجيي الباااب
روضة غسلت ويهها وبطلت الباب
ذياب : شو فييج
روضة : ماعرف مب قادره اتحمل الم بطني ذيااب (ودمعت)
ذياب حضنها : تعالي بوديج المستشفى
روضة : برايه مابا
ذياب مشاها للغرفه : تعالي اقولج مب كيفج ابداً
مسك ايدها و وصلها فوق
ذياب : يله غلايه لبسي عباتج وانا بلبس كندورتي وبنسير
تبدلوا ونزلوا
ام مبارك : روضة امايه فيج شي .. شي يعورج ؟
روضة : تعبانه شوي عموه
ذياب : لا تحاتين امايه بوديها المستشفى الحين
ام مبارك : زين فديتك وطمني عليها
بو مبارك بصوت عالي : روضة القلبب انتبهي ع نفسج
روضة ضحكت لان اخر فتره ذياب وعمها كله يزقرونها ب ه الاسم
روضة وهي تضحك : ان شاء الله 
ذياب مسك ايدها ومشاها وياه للسياره
وراحوا للطواري وذياب من النوع الي لا يداني المستشفى ولا ريحتها بس متحمل عشان روضة
دخلوا للدكتورة الاولى ومن قالتلها روضة اعراضها حولتها ع دكتوره ثانيه
روضة : ياخيي سالفه خ نرد
ذياب : ماشيي لا تحاولين بنتم لين نتطمن انج بخير وصحه
روضة : عنييد عننييدددد
الممرضه يت ويلست تنادي ب اسم روضة
الممرضة : روضهه فلاان الفلانييي
روضة قامت وقام وياها ذياب ويوم وصلوا لغرفة الدكتورة قالتله الممرضه ما يدخل
ذياب : شوو الي ما ادخل سلامات
الممرضه : ممنوع الدخول يا باشا (ممنوع تدخل يا ريال هههههههههه)
ذياب : وكيفف اتطمنن عليهااا يعننيي .. بتدخلينيي ولا كيف الحييين
روضة : ذياب ذياب حبيبي هد اعصابك
ذياب : ما تسمعينهاا اونهه ممنوووععع
الممرضه : الدكتوره متحبش دخول الراقل مع الست (الدكتوره ما تحب الريال يدخل مع الحرمه)
ذياب : وشعنهه متوظفهه هني يوم ما تبا الريال يدخل مع حرمتهه .. اول مره نسمع بها هاي بعد
الممرضه : اه انت زوقها ؟ (انت ريلها)
ذياب : شوو عييللل ربيعهااا ؟؟؟؟
الممرضه : اصل انا ما كنت عارفه بعتزر منك (اصلاً ما كنت ادري السموحه)
ذياب عطاها نظره ودخل مع روضة
الددكتورة يلست تسمع اعراض روضة ومن خلصت روضة ابتسمت
الدكتورة : خلنا نفحصج حبيبتي وعقب بنجوف النتايج
سوت لها فحص دم وفحص سونار حق بطنها
عقبها يلست الدكتوره وذياب و روضة مجابلينها
مسكت ظرف ف ايدها ومدته صوب روضة
الدكتوره بابتسامه : مبروك حبيبتي انتي حامل .. وهاي كلها اعراض حمل وطبيعيه لا تحاتين .. والظرف ها فيه نتايج السونار .. انتي الحين ف الشهر الثالث فديتج
ذياب فج عينه ع وسعهن ويلس يتطالع روضة بطهول
و روضة روحها مصدومه يعني
شكروا الدكتوره وهيك وطلعوا
وذياب طول الوقت يتأمل روضة بذهول
يوم وصلوا البيت نزل بدون ولا كلمه ودخل الغرفه وروضة طمنتهم انها بخير ودخلت وراه
يوم دخلت كان هو ف الحمام عزكم الله ف دخلت عقت عباتها ولبست لها شي مريح حق الغرفه يعني لانها مب رايمه تطلع
وهي تمشط شعرها ياها ذياب من وراها وحضنها
ذياب بابتسامه و وناسه : ااخخخخ ما تعرفين شكثر مستانسس احس ان الحياه جد جد حلوه بقربجج .. وهاي هديه من الله ما تتعوض
روضة ضحكت : زيغتني من متى ساكت عبالي متضايق
ذياب راح جدامها وقال بذهول : كيييف اتضاايق ع احلى خبرر سمعتهه ف حياتيي
رد حصنها و ه المره اقوى
روضة : بتكسرنيي ذيااابببب
ابتعذ عنها وهو يضحك وعقب تقرب منها وباس خشمها وعقب خدها وعقب يبهتها : احبج والله احبجججج !!
ودمعت عينه
روضة بابتسامه: اويييه ذياببب ليش ليش
ذياب : ياخيي مستانسسس
روضة رفعت عمرها وباسته ع خده : دووومم ياربب
ذياب مسكها من ايدها وسحبها صوب السرير انسدح وسحبها صوبه وخلاها تحط راسها ع صدره : ما تتحركيين واايد من اليوم سامعهه .. المطبخ ما تدخلينه .. وما تشلين اشياء ثجيله مثل ما قالت الدكتوره .. وتاكليين عدل عن شخصين عشان تغذين العصفور الي ف بطنج
روضة ضحكت
عقب شهر انتشر الخبرر للعايله كلهاا وكلهم تمنوا لها انها تربي بالسلامه
تلقى محمد الخبر من غلا
محمد : روضهه ؟؟؟
غلا : هييه شو الغريب تراها معرسه
محمد ابتسم : الله يقومها بالسلامه
غلا : امين يارب
من سمع الخبر محمد سار خذ ورد واتجه صوب بيت عمه بو مبارك
دخل البيت وجاف روضة وذياب يالسين برا .. روضة عدلت يلستها وشيلتها
تقرب منهم وسلم عليهم وجيه وها الي صدق اثار فضولهمم
محمد مد الورد ل روضة بابتسامه : مبرووك سمعت انج حامل !!
روضة ردت له الابتسامه بصدمه : الله يبارك فيك ؟
ذياب بطبعه يسامح بسرعه ومرحباني يعني : اقرب محمد ايلس
محمد : قريب .. بسير وبييكم مره ثانيه ان شاء الله
ذياب : لا والله ايلس تقهوى افا عليك
يلس محمد بعد اصرار ذياب
محمد بمستحى : مم ماعرف من وين ابدا و وين انهي كلامي .. ياي اعتذر منكم .. وخص منج انتي روضة .. مم الواحد ما يعرف كم بيعيش .. والحيياه تراها قصيره ما تسوى لاننا نعادي بعض فيها .. ف اسمحولي صدق
ذياب : مسموح بالحل ولد العم لا تحاتي
محمد ابتسم ومد الفنيال لذياب وعقبها قام : يله من رخصتكم
ذياب : ويين يالس
محمد : لا والله ما بطول عليكم .. اليايات اكثر بإذن الله
ترخص عنهم وسار
روضة وهي ترمس ذياب : لا لا اليووم شي مستويي
ذياب : شو فيج الريال يمكن انبه ضميره او شي
روضة : هذا محمد يعني بس عسب اذكرك
ذياب : شو يعني لو محمد ترا كل واحد يتوب ويندم ع افعاله
روضة : صح بعد .. ليش معصب هههههههه ؟
ذياب : مب معصب بس مصدوم مثلج يعني هههههههههههههههههههه
ضحكوا هم الاثنين ودخل عندهم حارب
حارب دخل بابتسامه : مرححبااا
ذياب قام يسلم عليه : حيييييه المعرسسسس
حارب : الله يححييييككك
تخاشموا وعقب سار صوب روضة وباسها ع راسها
حارب بضحكه : هلاااا بأمم حاررببب
روضة حطت ايدها ع بطنها : امم حارببب ف عينككك
حارب : شوو فييج اسمييي حلوو ترااا
روضة : ولا طاحهه الحلا
حارب خذ عنها الجبس الي ف حضنها : دخيللجج عااد رواااض
وبدا ياكل من الجبس
روضة : حرووببب ابااهه خاطرييي فييهه حرامم علييك ما يتحصللللل
ذياب قام صوبه وسحب عنه الجبس : كلهه ولا حرمتي ايييهههه
حارب : شو ه البخل الي فييكم عوووذ بالله
ذياب ضحك : مب بخلل ما يخصص .. يشهدونيي انا اكرمم واحد ف الحاره
حارب : ولا طاحك ع قولة رواض
روضة وهي تضحك : يعجبني حفظ الحقوق عندك
حارب ضحك وغمز لها : اضبطج افا عليج
بدوا يسولفون حارب وذياب او بالاحرى يتغايضون
ذياب : والله انييي اسررععع عنننكك جااييفف كرشششتكك انتتت .. متريييين قداااامكككك
حارب : ويييننن مترريييننن ايييههه ... قومم ققووممم بنتساابققق و روضههه الحكممم
روضة : انا شكووو
ذياب قام : احكمييي بالحققق مب تغشييين لانههه اخوووججججج
روضة : زيين يلهه اجوفكممم
حارب مد فونه ل روضة : مسكي مسكي صوريي مااثقق فييج اناااا
طلعت ودوم من داخل وهي تجوفهم يتناقعون
وديمة : بلاكمم
حارب : يت يت حبيبتيي الي بتشهدد بالحققق
وديمة : شسالفهه
روضة : بيتسابقون جوفي منو اسرع !!
وديمة : يلهه
بدوا السباق وجيه وحارب متجدم لين وصلوا لقرب النهايه تجدمه ذياب
ذياب وهو يصرخخخ : ههههييييههههههه ققلتتللكككك انننييي اسررررععععععععع
روضة ابتسمت يوم يا صوبهاا وباستهه ع خدهه : ككفوووو
ذياب غمز لها : اضبطجج الغناه !!
حارب : غغش غغششش والله غششش شو ههاااا
روضة : لا تحلفف .. ليش تحسست الحين لان ريليي رياضي ورشيق فديته
حارب : ي الخايسهه اخووج انااا
روضة : كلمة الحق تنقال علني فدا راسك
حارب ضحك : خذته لسان ذيااب
ذياب ضحك
وديمة : لا تغير الموضوعع .. صدمتنيي كيف ذياب اسرع عنننك
حارب : ياخيي يغش اخوووج
ذياب : ما غشييت .. الا قول انك شييه ومتكسح وكرشتك قد السما
حارب عطاه نظره وسكت
ذياب و روضة نقعوا من الضحك