يبتسم الحبر على صفحة غلاك !

البارت ١٧

راحت عنهم روضة

ذياب : ياخي انت ما عيزت من كثر ما تطفر بهااا ؟ ارحمها ارحمها جوف البنت كيف غاديه كئيبه وانت السبب

محمد : ما سويت شي !!

ذياب : ياخي قسم بالله مستوي تنرفز تنرفزز

خطف عن محمد وهو معصب

كتب ل روضة : *مع اني ماعرف الطفس شمسوي ... بس طنشي محمد الحمار وركزي ف كلاسج ومن تخلصين بنطلع نتريق رباعه ع الكرنيش*

ابتسمت روضة

روضة : *لا توصي دام السالفه فيها اكل ما بتضايق ههههههههههههه*

ضحك ذياب بصوت مسموع والتفتت له وحده من البنات وقالت بخفه : ترمس حبيبتك

عطاها ذياب نظرة وخطف عنها

ذياب بصوت شوي مسموع : بنات آخر زمن مستخفات والله

دخل خلص محاضرته وطلع صوب السياره ودق ل روضة

روضة كانت توها طالعه من الكلاس وانتبهت ع ذياب وهو يدق لها

(روضة : هلا ذياب

ذياب : وينج

روضة : توني طالعه من الكلاس

ذياب : يله اترياج طال عمرج

روضة : سم

وقبل لا تسكر ياها واحد كان معاها ف الكلاس

نزلت الفون بس ما سكرت

(هزاع : روضة !

روضة بمستحى وهدوء : امر اخويه

هزاع : ما عرفتيني ؟

روضة : ...

يوم قال جيه بدت روضة تركز ... وجافت كيف ان الأصوات قريبه من بعض والشكل بعد : مم اخو عبدالله ؟

هزاع : هيه نعم أنا هزاع

روضة ما عرفت شو تقول : ونعم

هزاع : ينعم بحالج ... ما بعطلج بس قلت بسلم وبتعرف عليج دامنا ف نفس الكلاس

روضة : ما تقصر ... يله من رخصتك

وسارت عنه)

روضة : شو أحلام العصر الي يالسه أعيشها هاي

ذياب : شدراني فيج ... فلم فلم مب حياه

ضحكت روضة

بندت عنه وركبت السياره)

روضة : هلاااا والله بالييي عازمننيييي

ذياب ضحك : اهليييييين بالبطيينييههه

روضة : حرام عليك مب بطينيه بس اني مب متريقه اليوم ف يوعانه شويتين

ذياب : انتي ما افهمج ... ليش تطلعين من البيت دون ريوق

روضة : اتعايز ياخي

ذياب : تفضل ... (باستهبال) تراني ما بكون موجود دوم عسب اريقج عندي اشغال