هزاع : اوي ليش طولتي
البنت : جفت بنت تصيح قلت خ اواسيها
هزاع : اي بنت ؟ ياهله يعني ؟
البنت : لا كبيره ... (وهي تأشر) هاي هاي الي ع يسارك
هزاع صغر عيونه وهو يتطالعها بتركيز : روضهه
سار صوبها ويوم تقرب زقرها : روضهه
روضة لفت بهدوء وعيونها حمرهه : لبيه
هزاع : بلاكم عسى ما شر ليش تصيحين ؟
روضة : ذياب ... دخل غيبوبه
هزاع انلخم : ص..صدق؟ امسات كان طالع ويايه ما فيه شي
روضة : تعب علينا من يومين وشلوه المستشفى وطلع مريض قلب ف وضايف القلب نزلن عنده ودخل غيبوبه ... واحتمال يتم عايش ع الاجهزه طول عمره
هزاع : لا حول ولا قوة إلا بالله ... ياخي ما يستاهل ذياب والله ... لو انها بمحمد مب احسن
روضة رغم الضيقه الي فيها ما رامت تمسك ضحكتها : ههههههه استغفر الله
هزاع : وانا صادق
روضة : كتبة الله مالنا باليد حيله
هزاع : وينه هو ؟
روضة : ف العنايه
هزاع : يدخلونا عنده ؟
روضة : لا بس برا
هزاع مشى ويا روضة صوب العنايه وأخته وراهم
هزاع يوم جافه تضايق لان صدق ذياب بالنسبه له أخ وغالي
ترخص عنهم وردوا نهيان وروضة الشاليه
وهم ف الدرب
هزاع : كيف يعني ميروه ما قد جفتيها ؟
ميره : حسيت اني اعرفها بس ما تذكرت يعني
هزاع : هاي من اهل حرمة عبدالله
ميره : هييي ... مخطوبه جنها
هزاع : لا منو قال
ميره : هي قالتلي الي مترقد خاطبنها
هزاع شرق : كح ككحححح شووووههههه ؟
ميره : والله ... قالتلي ها ذياب مادري شسمه خطبها من يومين وعقبها تعب
هزاع : كيف يعني
وصلها البيت ودق ع عبدالله
(هزاع : وينك ؟
عبدالله : يالس ف الصاله !!
هزاع : ف البيت يعني ؟
عبدالله : هيه ليش شسالفه
هزاع : ماشي ياينك الحين بكلمك
بند )
دخل الصاله وهو مصدوم ان كيف يعني ذياب خطب روضة
أنت تقرأ
يبتسم الحبر على صفحة غلاك !
Romansرواية اماراتيه تدور احداثها حول روضة وكيف حياتها الشخصية مع عايلتها وربيعاتها، وكيف انها قدرت تتخطى مصاعب الحياه !!
