يبتسم الحبر على صفحة غلاك !

البارت ٤٨

روضة : يله سير بييب زايد وبيي
ذياب : لا تييبينه ها حشره ما بيخليني ارقد
روضة ضحكت : لا تعبان والله بيرقد ما عليك
ذياب : اذا سوا صدعه بعضج انتي وياه
روضة ضحكت
قام ذياب و روضة شلت غترته وشلت زايد ولحقته
حطت زايد ع فراشه و ع طول رقد
سارت صوب ذياب
ذياب : تعاليي فديتج
روضة ابتسمت وتقربت منه
ذياب : احب عيدي بقربج !!
روضة : وانا احب ايامي كلها بقربك !!
ذياب : ياا حظييييي فيييييييج
وباسها ع خدها
عقب اسبوع
كانوا حارب و وديمة و ذياب و روضة و مبارك طالعين
زايد مخلينه عند سلطان
المهم ترتيبهم ف السياره كالتالي
ذياب ومبارك جدام
وحارب و روضة و وديمة ورا
وكانوا متجهين لدبيي
ذياب : الغنااه .. تبين كوفيي ؟
روضة بابتسامه : لا فديتك
حارب : وابوي عليكم !!
مبارك ضحك : ما شاء الله عليهمم .. والله تصدق مرات اشك انهم ينسون اسامي بعض .. كله اسمعهم غناتي قلبي عمري حبي .. ههههههههههههههههه ياخيي اييبولي جفاف
ذياب وهو يضحك : مب من شي الجفاف ياخوك انت للحين ما عرست اكيد بيصيبك جفاف وغيره
مبارك : جبجب مابا اعرسس خلني جيييه اطلع وادخل ع راحتي
روضة : مبارك عاد اليي يسمعك يقول انك مقطع الحواطه .. ترا امبونك كله يالس ف البيت
وديمة : وهي صادقه والله
مبارك : الحين يعني كلكم قلبتوا عليّه ؟!
حارب ضحك : هييييه عرس وفكنا
مبارك : مب معرس يعني مب معرس .. الحين غناة ذياب متأكده ما تبين كوفي ؟
روضة وهي تضحك : هيه مابا
مبارك : نتيي الخسرانهه
حرك عن الشيشه
وديمة : الحين وانا ليش محد سألنيي
مبارك + ذياب + حارب : لانجج ما تشربين كوفي
روضة نقعت ضحك
وديمة : خيبه انزين كلتونييي
روضة تقربت صوب ذياب اليي يالس عند السكند سيت
روضة بهمس : قلبي عندك بندول ؟
ذياب لف يتطالعها بخوف : لا .. ليش بلاج عيوني ؟
روضة : مصدعه شوي .. خلاص دونت ووري
ردت يلست مكانها
ذياب : مبارك لف صوب الشيشه اليايه باخذ شي
مبارك تطالعه يعني ان توه محرك من عند الشيشه وعقب جاف انه جاد ف سكت ما علق
وقف صوب الشيشه نزل ذياب خذ بندول وماي ورد لروضة
ركب ومبارك لف يتطالعه
مبارك : احرك ؟
ذياب : هيه !!
حرك مبارك
ذياب عطى روضة الماي والبندول
روضة ابتسمت : شكراً حبيبي
ذياب : العفو فديت قلبج !!
حارب : رواضي فيج شي ؟
روضة هزت راسها بمعنى لا
كملوا دربهم سوالف وضحك لين وصلوا
تمشوا ف دبي مول .. كانن البنات رواحهن والشباب روحهم
دخلن البنات hermes ويلسن يتطالعن الشنط والاساور
يلست روضة تتطالع اساورة ومحتاره تاخذها ولا لا
ذياب يا من وراها وباسها ع خدها
روضة ضحكت : زيغتنيي يالطفس
ذياب : ف خاطرج الاسواره حبي ؟
روضة : لاا اتطالعها بس
زقر الريال وقاله يطلعها عسب روضة تلبسها تجوفها ع ايدها
شلها وعطاها للريال وقاله انه يباها
ذياب : وايد حلوه ونتيي الي محلتنها اكثرر
روضة بوناسه حضنته : ياخيييييي احبببببببك
ذياب ضحك : ياخيييييي اموت فيييييييج
ع المغرب
الشباب كانوا واقفين برا صوب النافوره
ومبارك تناقع مع وحده ويلسوا ذياب وحارب يهدّون الوضع
مبارك : ياابوووييييي فكيينيييييي خلاااص
البنت : شو اليي فكيني لا تتحرا اني عاقهه عمريي علييك و ع فكرههه ترانييي بنت فلان الفلانيييي يعنييي بلتههك ف المرااكزززز لو قلتلي شيييي
مبارك : وخيييررررر ياا طيييررررررر .. اذا ع الآبااءءء وفخرر يعنييي ترانيييي مبارك (بكل فخر كمل) بن فلان بن فلاان الفلاننيييي .. يعننيييي لووو اباااا شرركةةةةة اببلللل كلللهااا احولهاااا باسميييي يالاختتت
تصنمتتت البنت ويلست مفهيه
مبارك يوم جافها انصدمت ضحك باستهزاء
ذياب وهو خلاص يبا يسكر الموضوع : ياختي اسمحيلنا و واضح عليج بنت عرب وقبايل والموضوع تراه ابد ما يسوى
مبارك : لا يسووووى كيف يعني تاخذ فونيي وتكسر مياديفيي بعد
ذياب : خلاص يا مبارك !!
راحت البنت
ذياب : شوو فييك انت اليووممم
مبارك : نرفزتنيييي بنت اللذييين
الموضوع هو كالتالي .. ان كان مبارك عنده نفس فون البنت وهم الاثنين مب حاطين خلفيه ف يعني خلفياتهم نفس الشي الي مال اول ما تاخذون الفون
المهم مبارك حط فونه ع الطاوله وسار ويوم رد جاف فونه عندها ف قالها ان في شي شسالفه فوني وهي احتشرت ان شكلك سارق فوني
حارب بتعب : اول مره فحياتي ادري ان مبارك عصبي
ذياب ضحك : عايلتنا كلهم ضو
حارب : يابوي اختي شوي شوي عليها ههههههههههههه
ذياب : ف الحفظ والصون اختك ما عليك
ف ه اللحظة ين البنات وسلمن عليهم ويلسوا يتمشون
روضة وهي تجوف مبارك : بروك فيك شي ؟
مبارك ابتسم : لاء
حارب وهو يستهبل : المهم وين كنا .. هيهه كنا نقول بنزوج ذياب اربع
مبارك تطالعه باستغراب ان شو يالس تقول ونفس الشي روضة
ذياب : حشى عليّه ما قلت
روضة عرفت ان حارب يستهبل بس يعني شوي حز ف خاطرها الموضوع
حارب : ترا الشرع حلل لأربع عادي شو فيك
ذياب : طال عمرك روضة الاولى والثانيه والثالثه والرابعه
روضة ابتسمت
ذياب سحبها وحط ايده ع كتفها : شو ابا انا دام عندي ه الزين كله
حارب ضحك : اسولف ياخووي
كملوا تمشيه وهيك وتعشوا ومسكوا خط العين
وقف مبارك عند شيشه عسب ياخذ شي يشربه
يوم دش جاف البنت الي تضارب وياها
مبارك وهو متنرفز ع الاخر : لاا حووولللل
البنت كانت صدق جريئة : جاايففف ينييههه ؟؟؟؟؟
مبارك : اخسسس وادمرررر صدقيينييي
ذياب كان ف السياره يعابل فونه ويوم رفع راسه وجاف مبارك عق الفون عند السده وقال : واابووووي نقعتت الحررب
نزل بسرعه وسار صوبهم وهدى الوضع
عقب يومييين
كانوا كلهم متيمعين برا يعني اهل ذياب وجيه ومع حارب لانه نسيبهم
وديمة : يووووه منصور احيده صدق صدق كان ريال طيب .. روضوه ما قد رمسج ذياب عنه ؟
روضة حركت راسها بالنفيي
مبارك اشر لوديمة تسكت
ذياب من سمع اسم منصور حط ميوت للعالم .. الذكريات يلست تحاوطه من كل صوب لين عيونه حمرتت وقام ابتعد عنهم
لحقته روضة عقب تقريباً دقيقه وانصدمت يوم سمعت صوته وهو يصيح بانهيار
يلست تتطالعه وهي مبتهته وعقب ربعت صوبه وحضنته
روضة : ذياااببب لااا لااا ليييششش
ذياب حاول يمسك عمره بقو وشد عليها وتم حاضننها لين هدا وعقب ابتعد ومسح دموعه وقال بجمهود : اسمحيليي روضة خليتج تجوفيني بهالحاله
روضة : ذياب حبيبي ما بيننا ه الرسميات !! كلمني بلاك متضايق ؟؟
ذياب ابتسم بانكسار وسحبها عسب تيلس ويلس عدالها : روضة !! (عقب هدوء) منصور ولد خالي الي كان بمثابة اخ ليي .. قضيت عمري كله وياه .. كنت صدق صدق اعزه واحترمه .. ما ندخل ونطلع الا رباعه .. كانوا ما يقولون ذياب الا ويلحق اسمي اسمه .. يقولون من كثر محبتنا لبعض وقو علاقتنا .. كانوا يشبهونا ببعض .. كان منصور يا روضة شخص ما يتكرر .. كان هادي وطيببب بشكل ما تتخيلينه .. قبل خمس سنين تقريباً كنا رايحين البر ويعني جيه طلعه شبابيه .. وكنا سايرين بدرجات يعني .. روضة قبل ما نطلع كنت يالس اقوله منصور تراني مب مرتاح لسيرتك وكل شوي اتطمن عليه .. ف غمضة عييين يا رووضة الله خذ عمره .. بسرعة البرق خطفت سيارة وخطفت علييه وما قدر يعيش .. (دمعت عيونه) شوو انييي انكسررت يا روضهه شو انيي تضاايقتت .. والله العظيييم صحت من القهررر قرب السنهه .. روضة تعرفين شو يعني انج تدخلين وتطلعين مع شخص وتسوين كل شي فحياتج معاه وعقب يختفي
روضة صدق انغبنت وحست ان يتها غصه
مبارك يا صوب ذياب
مبارك وهو يعرف ان ذياب يالس يتألم : ذيااب ياخووي ترحم عليه
ذياب كان يبا يرد يصيح من الغصه بس مب قادر جدام روضة
مبارك يوم حس فيه قالها : روضة زايد يصيح سيري له
روضة سارت وهي شاله هم ذياب
ذياب انهار من القهر والضيق ويلس يصيح بحرقه لين حس انه ارتاح شوي
مبارك : بس ياخوي ارحم عمرك
ذياب ابتسم بكسر : خلصت خلاص
مبارك : هاي ها ودوم يبالها لعان ما تروم تمسك عمرها !!
ذياب : مالها ذنب حليلها
راحوا صوب الباقين ويلسوا
ذياب وهو يتطالع زايد ويرمس روضة : كان ف خاطريه اسميه منصور .. بس مبارك ما طاع !! لكني سميته زايد .. الاسم الي كنا متفقين عليه انا ومنصور
روضة اتطالعه وهي تجوف الكسر ف عينه وصدق راحمتنه
ذياب : لا تتطالعيني بهالنظره
روضة : سوري !!
مبارك سار لذياب : ابويه بيسوي عزيمه اونه !!
ذياب : ليش ؟
مبارك : مشتاق حق ربيعه اونه ف بيعزمه وبيعزم اهله كلهم
ذياب رفع حايبه باستغراب
مبارك : اسميها حاله ابا اطلع انا باجر
ذياب : باااجررررر ؟؟؟؟
مبارك : هيييه
ذياب لف يتطالع روضة بأسف لانه كان واعدنها يطلعون رباعه ويمشون زايد
روضة ابتسمت له يعني ان عادي
مبارك وهو مفوّل : مب حاله هاي يعني حتى ما شاورنا
وراح عنهم
ذياب نقع ضحك ع مبارك الي معصب
مبارك : اسسسسمعك ذيييااااابببب
ذياب وهو بعده يضحك : اسف اسفف هههههههههخخخ !!
يا صوبه بو مبارك
بو مبارك : ذياب ظنني يا خوك وقالك ان باجر شي عزيمه .. اتمنى حضوركم انت وام زايد !!
روضة ابتسمت له
ذياب : تامر ابويه !!
وراح
ذياب وهو يضحك : يعني صدق ماعرف هو يشاورني ولا يعزمني ولا يقولي تعال غصباً عنك !!
روضة نقعت ضحك